India-in Nepal puihna tonne 141.5 thawn tawh

India-in Nepal puihna tonne 141.5 thawn tawh
India chuan a thenawm, Nepal-a khuarel chhiatna thleng tuarte tanpui nan puihna chi hrang hrang tonne 141.5 a thawn tawh.
Hindustan Times-in sabereka khuangkaih na tak a tawrh hnuah New Delhi-in Nepal hnena puihna a thawn zat a chhinchhiah hi August 26 leh September 19-a mite an ni.
August 26-ah Nepal leh Tibet inrina bawra chhiatna thleng hi Nepal-in khuarel chhiatna a tawh nasat ber pakhat a tling a. Mi 1,411 an thi niin an ram disaster management agency chuan sawiin mi 5,875 vel chin hriat loh an la awm mek a. Tibet-ah mi 43 vel thi leh chin hriat loh 519 an awm bawk.
India hi ram dangin chhiatna an tawhah buaipui hmasatu niin tanpuina leh chhawmdawlna chi hrang hrang a thawn nghal thin a. Tun hnaiah pawh Türkiye, Syria, Myanmar, Sri Lanka leh Venezuela-a khuarel chhiatna thlengah thil hrang hrang a thawn hlawm.
Hindustan Times-in Nepal-a puihna a thawn zat a chhinchhiahnaah thil chhia tun din lehna atana pui tur te, chhanchhuah hna thawhnaa pui tur leh thil danga thawk turin mi thiam 54 a tir bawk.
India hian chhiatna thlen ni, August 26 khan rikruma puihna tonne 10 a thawn nghal a, a tukah tonne 37.5 a thawn belh a, a tuk lehah tonne thum leh leiverha mi chhanchhuah hna thawk thiam sipai paruk leh damdawi thiam panga a thawn leh.
August 29 khan tonne 11 bakah leiverh hainaa thawk tur mi 13 leh forsenics team member 19 thawh leh an ni a. September 2-ah tonne 5.5 leh chhanchhuah hna thawktu 11 a thawn leh bawk.
September 6-ah thlawhna hmangin puihna tonne 21.5, September 8-ah tonne 35 leh September 19-ah tonne 11 a thawn leh.
India bakah ram dang dang leh khawvel huap pawlten Nepal hi puihna pek tiam leh pe tawh an awm a. Australia, Canada, South Korea, UK leh pawl zingah World Bank, European Union, Asian Development Bank, Red Cross & Red Crescent Society leh pawl dang dangin an pe tawh bawk.
Mi mal company-te pawhin Nepal hi an pui a, Nvidia-in chhawmdawl nan $ maktaduai 10 pein South Korea-a Doosan Group-in $ maktaduai 5 an pe.