India-in ruahtui dawng tha
Tun hnai July thla ni riat vel chhung leka ruahsur nasa chuan ram puma rainfall deficit chu a siam tha nghal tiin Indian Meteorological Department (IMD) data chuana tarlang a. Monsoon season-a cumulative rainfall chuan 243.2 mm hawlh derin chu chu normal tura ngaih 239.1 mm aiin 2% -in a sang a ni.
Mahse, ruahtui tla hi region azirin a inmil lovin a inang lo nuai thung a. India eastern leh northeast region-ah chuan ruahtui tla hi la tlem hle thungin 17% deficit a awm mek a. Northeast-ah hian 454 mm tla tura hisapin 375.3 mm vel chauh a la tla a. North India lamah chuan 58% excess rainfall a awm tawh thung niin IMD data chuan a tarlang.
Central India, India ramah pawh monsoon rain-a innghat nasa bera ngaihah chuan normal 255.1 mm turah 264.9 mm tla tawhin a excess na hi 4% a ni der tawh bawk a.
South India lamah pawh rainfall deificiency chu 45% ni thin kha 23% ah a tlahniam tawh bawk a.
June thla tawp lam khan ram puma cumulative rainfall chu 148.6 mm a ni a, chu chu normal precipitation tua hisap aia 10% a hniam a ni a. Mahse, tun hnaitea ruahsur nasa chuan a siam tha ta thung.
IMD te chuan a hmain July thlaah ruahtui a tla tha dawn an lo tawh tawh a, mahse northwest, northeast leh southeast peninsular India-ah chuan normal bak a ni dawn lova ngaih a ni thung.
Kar kalta Inrinni atanga northwest India lama ruahtui tla tha chuan hmun tam takah record a siam hial a. Delhi-ah chuan darkar 24 chhungin 153 mm lai tlain July 1982 hnua a tlak tam ber a thleng hial a ni.
Heng bakah hian Uttarakhand, Himachal Pradesh, Jammu and Kashmir, Haryana, Uttar Pradesh, Madhya Pradesh, coastal Karnataka leh Hujarat ah te chuan ruahsur nasa tura ngaih a ni bawk.
Hmun thenkhata ruahsur nasa hian Delhi mai bakah Himachal Pradesh-ah te chuan hasratna nasa tak siamin nunna chan an awm phah nual a, tuilian leh leimin nasa tak a siam bawk.
Punjab-ah pawh Sutlej, Ravi leh Beas te chu a lian hle a, Harayna-ah pawh Yamuna lian hlein hei vang hian nunphung a tikhaihlak nasa hle bawk.
Himachal Pradesh bikah hian ruahsur nasain June 24 atang khan harsatna a siam nasa hle a, mihring nunna chan awm mai bakah ran vulh te pawh chan nual niin vehicles leh building tam tak pawh tihchhiatin a awm a ni.