India-in Visa Service tinung leh
India chuan thla hmasa mai khan Canada hnena a visa pek thin chu ti tawpin Canada sorkar chu India rama a palai hnathawk te ti tlem ve turin a lo hrilh tawh a, he thil thleng hi Canada Prime Minister Justin Trudeau-an “thil thleng chiang tak a ni” tia Khalistan mi Hardeep Singh Nijjar thihna chunga a thil sawi India in a duhloh vanga thil thleng kha a ni a.
India-in visa service Canada-a a pek leh hma ni sawmah vawi tam tak sawihona a awm tawh a, nilaithawhtanni khan Canada hotu te chuan ram pahnih inpalai tawnna kawnga thawktute himna chu New Delhi chuan a ngai pawimawh hle a ni tih India thuneitute chuan an tilang a ni tiin an sawi a ni.
British chanchinbu nitin chhuak The Financial Times chuan tun thla hian External affairs Minister S Jaishankar chuan Canada Minister Melanie Joly chu Washinton DC-ah a hmu nia report an thehdarh chu thuneitute chuan engmah an sawi duhlo a ni.
Joly chuan October 19-a inbiaknate chu sawi chhuah tham pawh nilo a ni a, Canada chu India nen an thawk dun zel anga inbiakna pawh an nei zel ang a ti a. Canada-in a hnathawk mi 41 hnawh chhuah an ni tia India a dem thu a sawi chhuah hnua Joly thusawi hmasak ber a ni.
India thuneitute chuan Canada tana visa service chu Person of Indian Origin (PIOs) leh sumdawnna atana pawimawh ti tur te hmakhua ngai ran chungin chhawng riat kha chhawng li ah an titawp rih a. India mi ni si Canada khua leh tui nihna nei, Overseas Citizen of India nilo te chu visa card tihtawp a nih avang hian India-ah an zin thei lo a. He thil hi nilaithawhtanni khan siam rem a ni. “he thil hian OCI cards za zela 85 te chu a tibuai a ni” tiin thu neitute chuan an sawi. Visa hian lo lut tur a tihbuai PIOs te, Business, Medical leh Conference visa te chu a phalrai leh a ni.
Thu neitute chuan zin mite, zirlai, hnathawk leh film visa te chu chhunzawm leh an ni ang a, mahse an mamawhna anga ngaihtuah an nih tur thu an sawi a ni. Canada-India Business Council President leh CEO Victor Thomas chuan visa inpek tawn leh chu sumdawng hotu te tun leh nakin hun zela inlaichinna siam that zel nana thil tha tak a nih thu a sawi.
“Visa inpek tawnna hian ram pahnih ten hun khirh lai pawha insumdawn tawn leh investments siam an duhzia lantirtu a ni” tiin a sawi a ni. Indian High Commissioner to Canada Sanjay Kumar Verma-an ram pahnih te dinhmun hi hna pawimawh thawk tawn turin a thalo hle a ni, tih a sawi hnu ni hnihnaah visa service te hi chhunzawm leh a ni.
October ni 21 khan External Minister Jaishankar chuan India palaite hi Canada-ah an himlo tiin a lo sawi tawh a. Mahse hei hian hma a sawn chuan visa chu chhunzawm a ni ang, tiin a sawi a ni.