India rama thalaite inelna hmachhawn thei turin sawm

India ramah hnathawk thei thalai an tam a, Mizo thalaite chu inelna tha hmachhawn tura inbuatsaih turin a sawm tih Mizoram Youth Commission chairman Dr Vanlaltanpuia chuan a sawi.
Nehru Yuva Kendra Lunglei buatsaihin Zirtawpni khan ‘Yuva Utsav Lunglei District Level Youth Festival’ neih a ni a. Hmanpuitu MYC chairman Dr Vanlaltanpuia MLA chuan India ramah zirna kalphung a danglam zel a, thalaite chu kalphung thar lo chhuak zel hmanga an hmalam hun thlir a, khawvel tizau tura thawhrim a pawimawh tih a sawi. Mizo thalaite nasa taka zirna lamah hma an sawn tawh lai leh Saptawng pawh an thiam em em laiin, science leh mathematics ah nasa zawka tan lak a tul hle tih a sawi.
Tunlai khawvel hmanraw tha leh changkang tinreng kan neih tawh lai hian, khawvelin zirna an kalpui dante, ramdang thalaiten hmasawnna an kalpui dante hriatzau tum a, tum sang tak leh tum mumal tak neiin, investment tha ber chu keimahni kan ni tih hria in rilru siamthar turin thalai a sawm tih a sawi bawk.