SAS building thar hawng

School of Agricultural Science Hnahthiala building sak thar pathum – class room cum lecture hall, cheng nuai 350 senga sak, administrative building nuai 150 senga sak leh girls hostel nuai 150 senga sakte chu Zirtawpni khan Agriculture minister C Lalrinsanga’n a hawng. Heng building hi NABARD sum atanga sak a ni.
Minister chuan School of Agricultural Science hi diploma course tal a nih theihna tura hma la a, upgrade a ni ta chu lawmawm a tih thu a sawi. “Research tel lo chuan crop husbandry hi hlawhtling takin a kal thei lo. Khawvel sik leh sa inthlak zelah hlawk zawka thlai thar a nih theihna’n zirchianna leh enchhinna hi a pawimawh lehzual ta hle a. Chumi atana pawimawh tak pakhat building heti zat hawn thar a ni hi a lawmawm hle a ni,” a ti.
SAS zirlaite chu an zirlai hneh hle turin a chah a. “Thiam tak tak tumin bei rawh u. Practical kan uar chho zel dawn a, chawn phiar tawng tawnga chhawr che u kan tum a ni. In theihna tak tak sawrchhuah kan tum,” C Lalrinsanga hian a ti.