India team-a hmelthar zingah Tluanga
India team-a hmelthar zingah Tluanga
Head coach Khalid Jamil chuan AFC Asian Cup Qualifiers final round match khel tur squad a din chho leh mek a, la thlitfim leh tur player 23 awmna probable squad a puanah hmelthar awm nualin, chu’ng zingah chuan Mizo tlangval Lalremtluanga Fanai a tel.
Indian football team hian karliamta Ningani atang khan Bengaluru khuaah inbuatsaihna camp an lut tan a; kartawp Inrinni hian Dhaka khawpuia an National Stadium-ah AFC Asian Cup 2027 Final Round Qualifiers match khelin mualneitu Bangladesh an hmachhawn dawn a ni.
He probable squad-a Mizo footballer pathum zinga pakhat Lalremtluanga Fanai hian Indian Super League (ISL) 2024-25 season-ah khan Bengaluru FC tan match 26 khel tlingin, kumin June thla khan Tajikistan rama friendly match pahnih khel tur Indian team 29-member probable U23 squad-a tel turin Naushad Moosa pawhin a lo ko tawh a, tunah senior team boss Jamil chuan Blue Tigers squad la thlitfim tur zingah a senglut zui ve leh ta a ni.
Tluanga hi winger position-a hmalam hun nei eng tak ni mekin, Indian coach hnuaia senior national team tha zawk din tumna kal mekah pawh hmun pawimawh chang chho zel tura beisei a ni
Tuntum squad-a Mizo player dang pahnihte chu forward Lallianzuala Chhangte leh defender Hmingthanmawia Ralte an ni leh.
November FIFA Window chhunga Blue Tigers probable squad
Goalkeepers: Gurpreet Singh Sandhu, Hrithik Tiwari, Sahil.
Defenders: Akash Mishra, Anwar Ali, Bikash Yumnam, Hmingthanmawia Ralte, Muhammed Uvais, Pramveer, Rahul Bheke, Sandesh Jhingan, Abneet Bharti.
Midfielders: Ashique Kuruniyan, Brison Fernandes, Lalremtluanga Fanai, Macarton Louis Nickson, Mahesh Singh Naorem, Nikhil Prabhu, Suresh Singh Wangjam.
Forwards: Irfan Yadwad, Lallianzuala Chhangte, Mohammed Sanan, Rahim Ali, Vikram Partap Singh, Ryan Williams.