India team-ah Mizo pahnih
Senior Indian Men’s National Team head coach Igor Stimac chuan la thlitfim leh tur atana player 40 lai national camp-a a hrualte atangin Hero Intercontinental Cup khel tur player 27 awmna squad a puang a, Mizo player pahnih an la tel.
India leilunga interna-tional football tournament khelhna tur Bhubane-swar khuaa Blue Tigers camp-a awmte hian ni hnih chhung medical test hautak zet an hma-chhawn a, medical leh physical test paltlang mi 27-te hian Hero Intercon-tinental Cup bakah SAFF Championship an khel zui leh nghal dawn a ni.
India camp hi May ni 16 atanga kalpui tan niin, Mizo hnahthlak pali awmte atangin midfiel-der pahnih Lallianzuala Chhangte leh Laleng-mawia Ralte an thlang.
Blue Tigers camp atanga chawlh hmang tura hawtirte zingah hian Vishal Kaith, Manvir Singh, Yasir Moha-mmad, Glan Martins leh Roshan Singh-te chu hliam vanga thlan loh an ni ve pah bawk.
Camp-a awm zui tura tih player 27-te hian Bhu-baneswar khawpuiah training an chhunzawm ang a, he khuaa Hero Intercontinental Cup an khelh zawhah SAFF Championship atana in-buatsaihna chhunzawm turin Bengaluru lamah an insuanlut leh ang.
June thlatir atanga khelh tan tur Hero Inte-rcontinental Cup-ah India hi Qatar, Bangladesh leh Afghanistan-te nen gorp khatah awm hoin, June ni 3 khian an match hma-saberah Fifa ranking lama an aia sang Arab team tumin tournament bul an tan ang.
India team-ah Mizo pahnih
Get real time updates directly on you device, subscribe now.
Prev Post
Next Post