Indian music legend Asha Bhosle a thi

Indian music tana chanchin lungchhiat thlak tak a thleng a, nimin, April ni 12, 2026 khan Indian singer zinga hriathlawh berte zinga mi Asha Bhosle, kum 92, chu Mumbai-a Breach Candy Hospital-ah a thi. Bhosle hi Inrinni khan cardiac arrest (lungphuchawl) avangin damdawi inah hian dah luh a ni a, a tunu Zanai Bhosle chuan a pi hian awmbawr (chest) infection a neih thu leh chau ngawih ngawiha a awm avanga enkawl lai a nih thu a sawi. Bhosle hi vawiin tlai lam hian Shivaji Park-ah a puala hun hnuhnung serh leh sang vel an hmang dawn a, Indian film industry lama milar tak takin a hun hnuhnungah tel an tum thu an puang tawh a ni.
Asha Bhosle hian hmeichhe naupang kum 10 mi chauh a nih laiin a rimawi zinkawng a lo zawh tan tawh a, Marathi film ‘Majha Bal’-ah ‘Chala Chala Bak Bala’ tih hla a sa a, hei hi film-a playback singer anga ke a pen tanna a ni ta a ni. Marathi film atangin Hindi cinema lamah pawh huang a zauh zel a, a Hindi solo hmasa ber chu ‘Raaty Ki Rani’ tan a record ta a, chutah tang chuan hawikir leh tih awm tawh lovin Indian cinema tana aw pawimawh ber te zingah a tel ta a ni.
Indian film lar tak takah playback singer niin, a hla sak zingah rampum deng chhuak khawpa lar pawh a kat nuk a, rimawi khawvelah kum 80 vel zet inhmangin, hla sang chuang a record a, a aw mawi danglam tak hi film star tam takin an lo larpui tawh a, Indian cinema leh Indian music industry-ah a hming a dai tawh lo ang.