IndiaSkills inelnaa tithate lawmpui

LESDE minister Lalnghinglova Hmar chuan IndiaSkills competition-a Mizoram atanga medal la mi 8-te leh LESDE lama anmahni buaipuitute chu Thawhlehni khan lawmpuina a buatsaih sak.
Minister chuan, Mizoten kutthemthiam kawngah talent tha tak kan nei a. Kan talent hi thawhrimna, inpekna leh teirei peihna nen kan tihpun phawt chuan India ram chhung leh a pawn thlenga langsar turin theihna kan nei, tiin a sawi.
Hlawhtling tur chuan pumpelh a awm lo tih sawiin, tuna an thiamna kawl mek chu ti lian a, eizawnna tling ngei tura tipung turin a chah a ni.
LESDE hotute chuan Mizoram chu India ram state zingah mihring tlemna ber pakhat a ni chung a, medal thahnem tak an hlawhchhuak thei chu a lawmawm dan a thuahhnih tih an sawi a. Kutthemthiamte chu ram tana hausakna leh hna siamchhuaktu tur an ni a, theihtawp chhuah zel turin an chah a ni.