UD&PA department hnuaia Smart City Project bakah Tourism department bultuma Millenium Centre Atrium-ah Tourist Guidance Information Kiosk leh Sanitary Napkin Vending Machine dah thar chu Thawhtanni khan deputy chief minister Tawnluia chuan mipui hman turin a hlan.
Khualzinten Mizoram chungchang hrilhhriatna, khualzinte tana tangkai leh bengvarthlak tak, an veivahna leh hawiharhna’n leh khawchhunga hotel leh hmun pawimawh hriattirna ‘Information Kiosk’ hawn a ni chu hmasawnna a ni tih deputy chief minister hian sawiin, hmeichhiate tana awlsam zawk leh an mamawh huna hman mai tur Sanitary Napkin Vending Machine siam a ni bawk chu lawmawm a tih thu a sawi.
UD&PA department chu khawpui changkanna ngaihtuahtu an nih rualin, mirethei leh harsa zawkte khaichhuahna leh an hmasawnna ngaihtuahtu a ni tiin, Smart City hnuaiah project hrang hrang 30 chuang thawh mek a nih thu a sawi a ni.
Ramchhung leh pawn atanga khualzin veivakten information an mamawhte pholanna Kiosk chu Aizawl khawpui lailia hmun pawimawh bakah Lengpui Airport-ah bun a ni dawn tih Tawnluia hian a sawi a. Hmeichhiate tan a tul huna an mamawh an lam theihna tur Sanitary Napkin Vending Machine pawh school hrang hrang bakah Aizawl khawpui hmun thenkhatah dah mek a ni tih a sawi. Vantlang hmasawnna tura khawl bunte hi dimdawi tur leh neitu rilru pua humhalh turin mipui a chah a ni.
Information Kiosk leh Sanitary Napkin lak theihna kawl dah thar
Get real time updates directly on you device, subscribe now.
Prev Post
Next Post