Inneih hnuah inkawmngeih tho tur

Austrian hlaphuahthiam Franz Schubert chuan, “|hian tha tak chhar chu a hlim thin, chu ai pawhin a thian tha bera a nupui neitu chu a hlim nasa zawk fe a ni,” a tih hi a dik viau.
I nupui/pasal nen thian tha tak in nih chuan, thian te nen in inkara awm thin ang bawkin in inhrethiam ang a, in inmamawh tawn hunah in awm zel ang a, in inpui tawn zel thei dawn a ni.
1. Thil hlimawm tidun thin rawh u, chu chu innei hnua inthian that reng theihna kawng tha ber pawl a ni. In pahniha nuam tih zawng te tidun thin u la, chutih rualin mahni nuam tihzawng ringawt tihpui tum reng bik erawh a fuh lo ang.
2. Inhnial pumpelh tum vek tur a ni chuang lo. Mak i ti em? Nupa tam zawk chuan an inkara buaina a awm loh nan inhnial loh hram hram te an tum thin. Mahse, inhnial dan tha a awm a, chu chuan nupa a phuar nghet zawk hlauh. Inhnial tih hian awmze nei lo a awka vina inau khum chiam chiam lam erawh a kawk lo.
3. Inbe tamin titi dun fo rawh u, chu chu kan kawppui te kan hriatchian theihna kawng pawimawh tak a ni. I hnaa i buai emaw i hah viau emaw a nih pawhin in a i haw hunah i nupui/pasal chu be hram hram ang che, chu chuan a tiharh sawt zawk ang chu. I nileng hun hman dan te sawi pui mai mai rawh.
4. Nupa kara inthianna boruak vawn nun nana tha tak pakhat chu kawppui te rin loh deuha thil tih sak thin hi a ni. A rin loh deuhin pangpar te lei sak la, present te pe la, a lawmna leh hlimna turin a rin loh deuh han tihsak thut thin teh.
5. I thian ten an mamawh hunah che pui turin i kal vat thin ang bawkin i kawppui tan puitu hnaireng nih tum ang che. I kawppui chuan a mamawh hunah che a tan awm la, a nupui emaw pasal emaw ang ni loin, a thian ang zawkin.