Insiamthatna’n kan hmang ang
– Lalruatkima
Lunglei Municipal Council inthlanah an party chuan an chaklohna an pawm a, insiamthatna atan an hmang dawn tih MNF adviser Lalruatkima chuan a sawi.
LMC inthlan result puan hnua Thawhtannia Lunglei Mizo Hnam Runa inkhawmah MNF minister Lalruatkima hian thu sawiin, chakna chang ta ZPM an lawmpui tih a sawi a. An party tan inenletna tur hmahruai a ni, tih an hotuten an hriat thu a sawi.
“Lunglei mipuiin duhthlanna thiang takin vote an thlak a. Result tha tak neitu ZPM hi MNF party chuan kan lawmpui takzet a, Lunglei hmasawnna atan theihtawp an chhuah ang tih ka ring. LMC member-ten an mamawhte inthlahrung hauh loin state sawrkarah rawn thlen zel turin kan chah a ni,” a ti.
MNF sawrkar chuan Lunglei hmasawnna atan tawngka mai ni lo, a tak ngeiin an thawk zel dawn tih a sawi a. Campaign khar ni a a sawi tawh angin, Lunglei mipui chungah thupha an chawi nawn tih sawiin, “He sawrkar hian kawng hrang hrangin Lunglei mipui rilru kan tina in an duhkhawp kan tling lo tih kan hria a. Ngaihtuahna thar nen hma thar kan la dawn a ni,” a ti.
MNF candidate-te, inthlan buaipuitu official-te leh vote thlaktu mipui chungah lawmthu a sawi a. MNF tana thahnem ngai taka thawktu Unit, Block leh Sub Hqrs chungah lawmthu a sawi tih a sawi bawk.
Insiamthatna’n kan hmang ang – Lalruatkima
Get real time updates directly on you device, subscribe now.