Inter Branch YMA Basketball Tournament
Chhinga Veng Branch YMA chuan kumin hian an branch diamond jubilee pualin Inter Branch YMA Basketball Tournament an buatsaih dawn a, he tournament hi Thanpari Pautu w/o Sanghmingthanga H Pautu, Chhinga veng hriatrengna’n a chhung-te’n an sponsor a ni.
He tournament-ah hian Central YMA hnuaia YMA branch hrang hrang 72 lai an inlan dawn a; April ni 21, 2023 zan khan Chhinga veng Community Hall-ah tournament khuh-hawnna ‘tip off’ prog-ramme hman a ni.
He hun hi organising chairman H. Zorem-thanga’n kaihruaiin, inlawmna thuchah a sawi a; host JMS Dawngkima leh Nethel Zodinpuiite kaihhruai chhunzawmna hnuaiah organising sec-retary Lalnunkima hnen atangin report ngaihthlak a ni a; Central YMA ai-awhin Fabian Lalfak-awma leh Mizoram Basketball Association aiawhin R. Lalnun-puiate’n thu an sawi.
Hminga Hmar leh Chhinga veng branch YMA Zaipawlte’n kal-khawmte zaiin an awi a; he hunah hian team tin aiawh mi pahnih an tel.
Tournament hi Hawla indoor Stadium-ah khelh tur niin, zanin, April ni 24, 2023 atanga tanin, May ni 15, 2023 zanah final khelh tum a ni.
He tournament chhung hian semi-final hmain Mizo Women’s Bas-ketball All Star Exibition match khelh a ni ang.
Central YMA leh Mizoram Basketball Association hriatpuia he tournament hi buat-saih a ni a; LPS vison chu media partner niin, round of 16 atanga final thlengin LPS-ah live telecast-a pekchhuah thin a ni ang.
Inter Branch YMA Basketball Tournament
Get real time updates directly on you device, subscribe now.
Prev Post
Next Post