International Open Taekwondo Championship: Mizo master 2 kutah silver
International Open Taekwondo Championship:
Mizo master 2 kutah silver
August ni 7-11, 2025 chhunga Greryong, South Korea-a ni nga chhung awh 10th MBC (Munhwa Broadcasting Corporation) International Open Taekwondo Championship khelh zawh takah Mizo teakwondo master pahnih VL Sawma leh Joseph Thansangate’n silver an la.
Joseph Thansanga telna hi International (IR) Referee Poomsae category niin, ram 32 atangin IR mi 52 an chhuak a; first Round cut off a paltlang hnuin semi-final lamah Chinese Taipei aiawh a hneh a, final-ah Indi mi vek nen in tumin, silver a lungawipui mai a ngai ta a ni.
India team manager leh Master 1 – Under 60 kg Poomsae category-a khel VL Sawma pawhin semi-final a paltlang hnuah a thlengtu Korea mi hneh zo loin silver medal bawk a hlawh chhuak.
He championship-ah hian ram hrang hrang 32 atangin infiammi 2,170 an tel a; India aiawhte hian gold medal pakhat, silver pathum leh bronze medal pathum an la.