International Tennis Hall of Fame-ah Paes leh Amritraj

Indian tennis legend pahnih Vijay Amritraj leh Leander Paes-te chu khawvela tennis player ropui zual bikte hming an chhinchhiah-na International Tennis Hall of Fame an tihah lakluh an ni.
Doubles world No. 1 hlui Paes leh broad-caster & promoter ni ta Amritraj-te hi Asia mipate zinga he chawi-mawina chang hma-saber an ni.
Doubles leh mixed doubles belhkhawma grand slam title 18 tehreng la tling Paes player category atanga sengluh niin, Amritraj thung hi contributor category atanga lakluh a ni thung.
Contributor category an tih kaltlanga an chawimawite hi tennis game atana thawhhlawk leh hmathlir nei tha bik hruaitu leh tennis tana nghawng lian tak hnutchhiahte an ni thin a; he huang atang hian journalist leh writer hriat hlawh Richard Evans of United Kingdom pawh contributor category huang atanga sengluh a ni ve bawk.
Class of 2024 an tih mai pathumte hi kar-liamta Inrinni khan Newport, Rhode Island-ah official-in Inter-national Tennis Hall of Fame-ah ziahluh an ni.
Paes, Amritraj leh Evans-te’n an belh leh tak hma chiah khan ram 27 atangin International Tennis Hall of Fame-a lakluh (inductee) hi 264 an lo awm tawh a, India chu he hming ropuia chuang thei ram 28-na a ni ta.