Internet kaltlanga hmeichhe vau ching man

Facebook hmanga mawi lo taka hmeichhia biak ching mi pakhat chu police-ten manin thubuai an siamsak.
Champhai district Farkawna hmeichhe pakhat chu Facebook-a “Nunpuia” tia indahin messenger kaltlangin mipat hmeichhiatna hmanpuia a sawm bakah a saruak thlalak nei anga insawiin, a dang laa amah thawn tura leh, a thawn loh chuan a thehdarhsak tur thu in a vau thin a, he thil hian hmeichhia hi nasa takin a rilru lam a nghawng tih police-ten complaint an dawng a. Cyber Crime Police Station ah thubuai ziahluh a ni.
Aizawla hmeichhe pakhat chu a hriat loh phone number atangin, pawisa hlawha mipat hmeichhiatna hmanpuia sawm a ni a, a saruak thlalak post darhsak tum anga insawiin a vau thin avangin, a ni pawh hian Cyber Crime P/S ah complaint a thehlut a ni.
Heng case-te hi uluk taka chhui a nih hnuah leh electronic evidence-te zirchian a nih hnuah, hmeichhiate vautu hi Mungliankapa (23) Sesih Champhai district a ni tih chhuichhuah niin, May 22 khan manin thubuai siamsak a ni.