Inthen dawnah fimkhur a ngai

Hun eng emaw chen inkawp tawh hnuah eng emaw vanga kan inthen hian thenkhat thinrimin an kut te an thawh ta mai thin a, hetiang boruak hi tawng thei theuh kan nih vangin fimkhur a ngai hle a ni. Inthenna a thlen chuan rilru natna a tel ngei a, mahse, thinrimna a tel hian a pawi ta thin a ni.
I ngaihzawng chu then i duh tawh viau pawh a ni maithei, mahse, anin chutiang rilru a la pu ve lo a nih chuan a buaithlakna chen a awm. Hetiang boruakah hi chuan privacy awm hauh lova in-break mawl tawp loh a tha ber. Mi zinga inhnial buai chiam a, boruak han siam deuh laiha in-break te a fuh lovang.
I thian tha ber ni a i ngaih chu i ‘ex’ ni tawh mai tur hnena i thu thlentu atan a that i ring a ni mai thei, mahse, i ai awha thenna thu hlan tura i hmang a nih chuan a lo lawm teh vak lovang.
I then tura chu i tana ngeiawm taka a awm a nih ngawt loh chuan a chungah nunrawng lutuk suh. Ngeiawm taka then kher loh tur tihna a nih chu.
Inthawt lawkna pawh awm hauh lova thenna thu inhlan nghal tawng loh tur a ni. A hmaa boruak tha lo a awm awm pawh hriat si loh, hlim taka awm dun tura inngaih laia inthen thut ang chi te hian boruak tha lo a thlen thei tih hrereng ang che.
Social media kaltlanga thenna thu inhlan hi a fuh lo khawp mai. I lo kawp ve reng tawh chuan chu aia mawihnai deuh zawk chu a phu a ni. Hetiang hmanga thenna thu inhlan hi a polite lo ‘over’ tih hriat tur a ni.
Social networking site velah i status message emaw picture emaw i post te chu mi tam takin an hmu thei a, in inthen thu chu mitam tak hriat tir kher a tul ber lo.
|henna thu hlan hmain a hriat thiam theih turin chetzia emaw tawngkain emaw lantir thiam ang che. Tichuan, thenna thu i hlan hunah pawh a lo inring lawk ve deuh thei ang a, mak a ti lutuk lo vang.
|henna thu i hlan dawnah tawngkam bung leh chang lutuk hmang lo la, fel fai takin, inthen i duh chhan te hrilh thlap ang che.