Inthlan inbuatsaihnaa training pe turte kawm

Election Commission of India senior deputy election commissioner, IIIDEM (India International Institute of Democracy and Election Management) ni bawk Dharmendra Sharma chuan Zirtawpni khan Aizawlah MLA inthlanpui inbuatsaihna atana training hrang hrang pe tura thlanchhuah, state level master trainer 18 leh district level master trainer 33 te a kawm.
ECI hotu chuan inthlanpui buatsaih tura peng hrang hranga thawk turte training pe chhawng ber tura ruat state level master trainer-ten training an dawng tha ngei em tih hrechiang tura he hun hi buatsaih a ni tih a sawi a. Master trainer-te chu ECI-in inthlan buatsaih dan tur ziakna instruction leh lehkhabu hrang hrang, manual leh handbook thar ber a tihchhuahte uluk taka chhiara vawng turin a chah a. Tunhnaia election petition hrang hrangte chhiar a, chu’ngte chu inzir nan hmang turin a hrilh.
State level master trainer 18-te hian IIIDEM buatsaih 3-phase training programme paltlang tawhin, evaluation test pawh an paltlang vek tawh a. State level master trainer-te hian district level master trainer-te hnenah training an pechhawng anga, anni’n district-ah training an pe ve leh dawn a ni.