AMC Ward XIX leh Sakawrtuichhun Local Council by election tluang taka neih a ni leh an party official candidate vote tute chungah MNF party chuan lawmthu a sawi a. LADC leh MADC a inthlan neih turah an candidate-te helai bial mipuiin vote turin an ngen tih a sawi bawk.
MNF Gen. Hqrs. thuchhuak chuan, AMC Ward XIX leh Sakawrtuichhun LC neih zawh taka inthlan buaipuitute leh an aiawh tur thlangtu mipui chungah lawmthu a sawi a, a bikin MNF official candidate thlangtute chungah an lawm hle tih a sawi.
Sakawrtuichhun LC-a thlantlin tak chu an lawmpui a, tling tura theihtawp chhuahtu MNF candidate C Lalrinfela chungah leh a tana tha leh zung, sum leh pai, theihna chhuahtute chungah lawmthu a sawi a. AMC by election-ah MNF chuan hnehna chan ngei a inbeisei a. An candidate Dr Lalrinzuali Hrahsel vote tute leh puitute chungah an lawm hle tih a sawi bawk.
LADC leh MADC inthlan neih turah inthlan buaipuitu chungah MNF chuan lawmthu a sawi a. Bial chhung mipuiin an bial hmasawnna atan MNF candidate-te vote vek turin a ngen tih a sawi a ni.
Inthlanah MNF-in lawmthu sawi
Get real time updates directly on you device, subscribe now.
Prev Post
Next Post