Intlanchhawk dan hman mek thla atan thum pawtsei dawn
Intlanchhawk dan hman mek
thla atan thum pawtsei dawn
Chief secretary Khilli Ram Meena kaihhruaiin Coordination Committee on Traffic Management (CCTM) chu Zirtawpni khan an thukhawm a. August thla chhunga Aizawla lirthei intlanchhawk dan thar enchhinnain nghawng a neih dan an thlirlet.
Lirthei intlanchhawk dan tharah hian taxi (LMV & two wheeler) sticker pathum – A,B &C hmanga kar khata ni hnih tlan loh ni nei thin chu sticker pali – A, B, C, D &E hmangin nikhat chauh tlan loh ni an nei tawh a. Intlan chhawkna turin a huam chin pawh Aizawl khawpui kawngpui pawimawh (main/ arterial/ spinal road) chauh a huam a ni.
Aizawlah hian taxi (LMV) 3880 leh two wheeler 3276 an awm a. Taxi (LMV) 940 leh taxi two wheeler 121, an vaiin 1061-in sticker thar hi an la lam/ hmang lo. Lirthei intlanchhawk dan thar enchhin hun chhunga traffic management-a nghawng a neih dan sawiho a nih hnuah, inthlanchhawk dan thar enchhin hun (trial peroid) hi thla thum chhung pawhsei leh phawt nise, hemi chhung hian professional agency-in research neiin, traffic dinhmun chiang zawk leh innghahna tlak data neih tuma hma lak nise, an ti.
Intlanchhawk hmanna hmun:
8 Bawngkawn leh Kulikawn inkar main road: Chaltlang leh Ramhlun peng, Bawngkawn atanga Kulikawn (Ngaizel, Tlangnuam leh Pika Road peng thleng) inkar via Chaltlang/ Ramhlun (Laldenga Road) Chanmari – Lower & Upper Zarkawt – Dawrpui – Upper Khatla – Sikulpuikawn- Kulikawn
8 Sikulpuikawn leh Khatla inkar: Sikulpuikawn atanga MINECO peng (Marova Point)/ 23 Sector AR gate bul thleng via Peter Street Khatla
8 Khatla leh Vaivakawn inkar: Khatla Kawn atanga Vaivakawn Taxi Stand, Bazar Bungkawn peng thleng via Temple Square