I&PR minister hluiin EmmyAward dawngtute lawmpui

Last updated Jul 4, 2025 12 0

I&PR minister hluiin Emmy
Award dawngtute lawmpui
‘Myanmar Civil War’ documentary producer, Mizoram journalist pahnih – HC Vanlalruata leh Isaac Zoramsanga te chu Ningani khan I&PR minister hlui Dr R. Lalthangliana chuan Aizawl Press Club-ah lawmpuina a hlan.
I&PR minister hlui chuan khawvel huapa lawmman ropui an dawng chu chhuanawm a tih thu sawiin, “Zofate dinhmun sangah min hlangkai a, midang tan entawntlak in ni a, chona nasa tak a ni,” a ti.
Kum 2003 atanga 2008 inkara I&PR minister a lo nih tawhnaah journalist-te tana theihtawp a lo chhuah thin thu sawiin, journalist-te khawvel huapa an lang chu a hlut hle tih a sawi a ni.
Award dawngtu pahnih pawh hian thu an sawi a. Mizo journalist pahnih hi BBC tana project-ah hian field producer hna an thawk a, lawmman an dawnna hi ‘Outstanding Continuing News Coverage – Short Form’ category-ah a ni.
MNF senior vice president ni bawk Dr R Lalthangliana hi MNF Publicity Board hruaituten an tawiawm a. Journalist pahnih hi Mizoram Journalists’ Association hruaitu leh member-ten an telpui a ni.