iQoo Neo 9 Pro India-ah tlangzarh

iQoo Neo 9 Pro chu niminpia khan India-ah an tlangzarh a, 8GB RAM + 256GB storage chu Rs 37,999 man a ni a, 12GB RAM + 256GB storage chu Rs 39,999 man a ni ve thung. He smartphone hi nimin chhun dar 12 atang khan an hralh chhuak tan a, Amazon leh iQoo e-store-ah a chah theih a, HDFC Bank leh ICICI Bank card hmanga lei tan Rs 2,000 discount a awm a, February ni 26 hmalama lei tan Rs 1,000 discount a awm belh bawk.
iQoo Neo 9 Pro hi dual-SIM niin, Android 14 based Funtouch OS 14 a hmang a, Snapdragon 8 Gen 2 SoC neiin, company lam chuan OS update kum thum leh security update kum li chhung an pe dawn niin an puang bawk.
6.78-inch 1.5K (1260×2800 pixels) LTPO AMOLED screen neiin, 120Hz refresh rate (day-to-day use) leh 144Hz refresh rate (gaming) a nei a, Wet Touch technology neiin, kut huh chung pawhin a hman theih dawn a ni. A hnungah camera pahnih- 50-megapixel 1/1.49 inch Sony IMX920 sensor (OIS, f/1.88 aperture) leh 8-megapixel ultrawide-angle camera (OmniVision OV08D10) sensor (f/2.2 aperture) neiin, a hmaah selfie atan 16-megapixel Samsung S5K3P9SP04-FGX9 sensor (f/2.5 aperture) a nei bawk.
Connectivity-ah chuan 5G, 4G LTE, Wi-Fi 7, Bluetooth 5.3, GPS, USB Type-C port a support a, sensor hrang hrang a neih zingah accelerometer, ambient light sensor, e-compass, proximity sensor, infrared blaster leh gyroscope a tel a, fingerprint sensor a nei bawk. He smartphone hian 5160mAh battery neiin, 120W SuperVOOC charging a support a, IP54 dust & splash resistance rating neiin, 163.53×75.68×8.34mm a lian, gram 190 a rit a ni.