Iran-a zin lo tur leh a awm mekte chhuak turin ti thar leh

Indian external affairs ministry (MEA) chuan Ningani khan Indian-te chu Iran-a zin lo turin a chah thar leh a, tuna an rama awm mekte pawh khawmuala ramri kân theihna ruat atanga chhuak turin a chah.
Thurawn tihchhuah thar hian sorkar chuan vaukhânna hi India leh Iran inkara thlawhtheihna thenkhat thlawhtir leh tan chungchanga thuthang awmte thlir chunga tih a nih thu a sawi.
MEA chuan, “Indian-te chu Iran-ah, thlawhtheihna emaw, lei emawa zin lo turin khauh takin a chah a ni,” a ti.
Tehran-a Indian Embassy chuan thuchhuah a siamah, “India leh Iran inkara thlawhna thenkhat thlawh leh tan a nih thu report a awm avang leh a hmaa thurawn pek chhunzawm zel a nih avangin Indian-te chu Iran-ah thlawhna emaw, lei emaw hmanga zin lo turin nasa takin an chah a ni,” a ti.
“Ram chung zawn boruak kharna leh chhehvel ram inepna avanga inkalpawhna chiang lo hian ram leh ram inkara thlawhna thlawkte a nghawng chhunzawm zel a, Iran-a awm mek Indian zawng zawngte chu embassy nena inremna nghet tak siamin ramri kânna ruat sa hmangin an chhuahsan tur a ni tih sawi nawn leh a ni,” an ti.
February 28-a US-Israel tang dun leh Iran indona a intan atang khan Iranian thlawhna tumhmunte chu khar vek a la ni.