Iran in hmeichhe tam tak pawngsualtu khaihlum

Iran in hmeichhe tam tak pawngsualtu khaihlum
Iran chuan kum sawmhnih kalta chhunga hmeichhe tam tak pawngsuala thiam loh chantir, Iran mipa pakhat chu an khaihlum thu a sawi.
Sorkar enkawl IRAN chanchinbu chuan he thu hi tarlangin, thiam loh chantirtu hi Mohammad Ali Salamat a nih thu a sawi a, October thla tir khan Iran supreme court chuan thi tura a chungthu relin, khaihlum a nih hnuah thawhlehni khan Hamedan-a thlanmualah phum a nih thu a sawi a ni.
Report-a a lan danin Salamat hian hmeichhe 200 chuang chu khawpui chhung dawr hrang hrang leh gym-a mi a pawngsual a, kum 20 kalta chhung khan heng thil sual rapthlak tak hi a lo ti thin tih a sawi.
Iran media te report dan chuan Salamat hian a pawngsualte chu inneihpui tura a sawm hnu leh a then chu an inngaihzawn hnuah a pawngsual ta thin niin an tarlang.
Iran ramah hian pawngsual leh uirena hi dan bawhchhiatna lian tak zingah telin, thi tura hrem theih a ni a. Kum 2005 pawh khan mipa kum 24 mi, naupang 20 pawngsualtu chu vantlang hmuhah khaihlum a lo ni tawh a ni.