Iranian-American journalist kum 10 jail tang dawn

Iranian-American journalist kum 10 jail tang dawn
Iran ram court chuan Iranian-American journalist Reza Valizadeh chu hmelma sorkar nena thawhhona an nei nia hriain thiam loh a chantir a, kum 10 chhung tang turin a ti.
Reza Valizadeh hi US sorkar sum hmanga Voice of America-a Farsi language service-a journalist hlui a ni a, Radio Farda-ah a thawk tawh bawk.
Valizadeh-a ukil Mohammad Hossein Aghasi chuan The Associated Press a hrilh danin, Tehran Revolutionary Court chuan an hmelma US sorkar nena an thawhdun avanga thiam loh chantir a nih thu a sawi.
Aghasi sawi danin he thutlukna hi kar khat liamta khan a hnenah court chuan an hrilh a, ni 20 chhunga appeal theih niin an hrilh bawk. Mahse, thutlukna an siam hnu hian Valizadeh nen hian inhmuh an phal tawh lo niin a sawi a ni.