Israel leh Gaza boruak avangin 2023 MTV EMA an \hulh leh thut

2023 MTV Europe Music Awards, November ni 5 a sem tur chu nimin khan an cancel thu an puang leh thut a, tunlai khawvel boruak mumal loh vanga thulh an nih thu an puang nghal a ni. MTV EMA hi 1994 atanga sem tan kha niin, tun hi an thulh vawi khatna a ni a, COVID-19 hripui vanglai pawh khan he award hi an kaltlangpui tho a ni.
MTV EMA thupuangtu chuan, “Kan tunlai khawvel awmzia thlir chungin, a thawktu mi sang chuang, crew member, artist, fans leh kan thawhpui khawvel hmun hrang hrang atanga show hlawhtlinna tura rawn kal khawm tur te ngaihtuah chungin 2023 MTV EMA chu thulh zai kan rel ta a ni. MTV EMA hi kumtina neih thin khawvel huapa rimawi lama chawimawina a ni a, Israel leh Gaza boruak duhawm lo tak kan hmuh hian khawvel huap huau huau lo siamna hun niin kan hre lo. Nunna sang tam tak a liam tawh a, sunna hun hman hun a ni. November 2024-a MTV EMA hman hun tur kan thlir ta zawk a ni,” a ti.