Israel leh Hamas inkahnaah Qatar in kutsil

Israel leh Hamas inkahnaah Qatar in kutsil
Qatar chuan Israel leh Hamas inkara inkahhai an puan theih nan leh inremna an neih theih nana palai hna a thawhnaah kut a sil thu a sawi a, ram pahnihte chuan ngun taka an ngaihtuah hnua inbiak tawn an duh thu an sawi hunah chauh hna a thawh chhunzawm leh dawn thu a sawi.
Qatar-ah hian Hamas aiawh awmin, heng mite kaltlang hian Qatar pawh hian palai hna hi a thawk chho reng a, mahse tunhnai khan US chuan Qatar-a Hamas aiawh awmte chu Washington in a pawm tawh dawn loh thu a sawi tak avangin Qatar pawhin remna kawng a zawnsak mek lai chu a chawlhsan zui ve ta rih a ni.
Tin, Qatar chuan Palestinian pawl hrang hrangte chu Gaza-a indona tihtawp a nih theih nana rawtna awm thar apiangte hnawlah a puh zui bawk.
Qatar foreign ministry chuan thuchhuah an siamah ram pahnihte chuan indona rapthlak tak tihtawp an duh tak zet hunah leh tihtawp tura ngaihpawimawh bera an neih hunah palai hna an thawh chu an chhunzawm leh tur thu a sawi a, Hamas leh Israel te chu ngaihtuahna fim tak hmanga indona tihtawp a nih theih nana hmalakna ngai pawimawh hmasa tawh turin a ngen bawk.
Hamas ho hian kum 2012 atang khan Qatar khawpuiah hian hmunpui an nei tawh a, hei hi US president hlui Obama hun laia a lo ngenna anga awm nia sawi a ni.