India chu khawvel ram thiltithei zinga mi a ni a ni tawh : Putin

India chu khawvel ram thiltithei zinga mi a ni a ni tawh : Putin
Russia president Vladimir Putin chuan India ram chu economy-ah an thang chak hle nia sawiin, mihring tamna ram a ni chunga heti khawpa an nunphung a hausa si chu khawvel ram thiltithei zinga mi dik tak an nih tawh thu a sawi.
Putin chuan ramdangte thik rual lohin India chu superpower list-ah an awm ngei a ngai tawh tih sawiin, an hmasawnna leh an nunphung danglam zel chu thilmak a tlin hial thu a sawi bawk.
Moscow leh New Delhi hi inpawh tak an nih avangin engkawngah pawh New Delhi lamah ban a phar zel dawn thu kar liamta khan Putin chuan Sochi-ah a sawi bawk a, inlaichinna titha turin ke an pen zel dawn thu a sawi bawk a ni.
Putin hian Brics summit neih hnuah India prime minister Modi nen an inkungkaihna a ngheh lehzual thu sawiin, India sipaite nen pawh Russia chuan inzawmna leh inpawhna thuk tak an neih thu a sawi bakah, Russia chuan sipaite thuamchak nan hmanraw tha ber ber an hmantir thu a sawi bawk.