Israel PM Netanyahu-an inbeihna nasa zo fel thei tep ti

Israel Prime Minister Benjamin Netanyahu chuan Gaza City Rafah a Hamas militant te nena an inbeihna chu thla riat hnuah a tawp tep tawh tiin a sawi.
“Hamas nena nasa taka kan inbeihna chu a tawp dawn hnai ta” tiin Netanyahu chuan israel’s Channel 14 network hnenah a sawi a.
“Indona a tawp mai dawn tihna a ni lo va, mahse, Rafah a nasa taka inbeihna chu a tawp hnai tihna zawk a ni” tiin a sawi.
Israeli officials te chuan Rafah chu Gaza Strip a Hamas te bukhuarna awm chhun ni tawhah an ngai a, May thla atang khan luhchhuah hna an kalpui tan a ni. Rafah-ah Hamas te mai ni lo civilian tam tak an awmkhawm bawk avangin khawvel ram hrang hrang te chuan Israel chu Rafah luhchhuah lo turin an ngen nasa thung.
Israel sipaite chuan Rafah border crossing Palestinian lam pang Gaza a tanpuina pekluhna ber chu thununin an lak hnuah kalpawh theihlohin an siam zui nghal bawk a ni.
Tuna Netanyahu interview hi nikum October 7 a Hamas te nena indona intan atanga media interview a neih hmasak ber a ni a. Hetihlai hian a defence minisetr chuan Washington thlawk lut thungin Gaza indona leh Lebanon a hezbollah movement te nena inbeihna chungchang chu US thuneitute nen an sawiho dawn a ni.
Gaza City, palestinian territory hmar lam chu Israel chuan indo thlawhna hmangin a bei chuhnzawm zel bawk a.
Chutihlaiin Lebanona inbun Iran thlawp Hezbollah movement te chuan nitinin Israel army te chu an bei ve reng bawk a, tun hnaia karhnih chhungin Hezbollah te nena inbeihna a nasa zual a ni.
Netanyahu chuan Gaza Strip a inbeihna nasa zual a tawp hunah Israel chuan hmar lamah mahni inveng turin nasa zawkin chet a la ang tiin a sawi bawk.
Hetih lai hian Israeli Defence Miknister Yoav Gallant chuan Washington a tlawhnaah inbiakna pawimawh tak an nei dawn a ti a, tun hnaiah US chuan Israel hnenah ralthuam a pek a chhunzawm tha duh lo a ni.
Netanyahu chuan Israel thian tha ber leh military supplier lian ber ni bawk US chu arms leh ammunition pek titawpah a puh a, mahse, chu chu US officials te chuan an hnawl thung.
Washington pana a kal hmain Gallant chuan, “United States nena kan inthianna hi hun dang zawng aiin a pawimawh lai ber a ni,” tiin a sawi.
Israeli ram chhungah Gaza a Israeli mitang te chhuah an nih theih nana chak zawka hma la tura nawr rengna karah Netanyahu chuan engti kawng zaeng pawhin inkahahi a awm theih nana Hamas tena permanent ceasefire an ngiat chu a tihlawhtling dawn lo a ti bur thung.
“Kan tum ber chu mitangte chhanchhuah leh Gaza a Hamas te pawh phawi vek a ni” tiin Netanyahu chuan a sawi.
Indona tawp hnuah pawh Netanyahu chuan Israel chuan Gaza a thunun rih dawn a ti bawk a. “Civilian administration din kan tum a, local Palestinian te kaihhruai ni se” ti bawkin, Gaza Strip ah humanitarian supply leh civilian affairs te tha taka kaltir kan tum bawk tiin a sawi bawk.
Gaza-ah chuan Israel sipai ten Hamas an beihna nasa takin an la chuhnzawm zel a. Israel chuan United Nations agency for Palestinian refugees UNRWA facility missile in a kap bawk a.
Israel sipaite chuan he facility an beihna chhan chu Hamas ten UNRWA headquarter hlui chu Israel beih nana inbun nana an hman a nih vang tiina sawi a, UNRWA te chuan Israel puhnaah engmah sawi an la nei lo thung.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More