Trump-an Evangelical Group te tur

Donald Trump chuan evangelical group te chu kum 2024 inthlanna neih turah ‘an awm mai mai thei lo’ tia hrilhin ‘khawngaihin vote thlak rawh u Kristian te u’ tiin a sawi.
Hei bakah hian Trump chuan Thu Pek Sawm chu school tinah tarchhuah a thlawp thu Washington a evangelical Kristian te hnenah a sawi bawk a. Kar kalta lawka Louisiana State in public school classroom tinah Ten Commandments tar tura dan an siam chu a thlawp thu a sawi a ni.
“In zingah ‘I ru tur a ni lo’ tih chhiar tawh in awm em? Ka sawi awmzia chu he thil turu tak hi in chhiar tawh em, a turu thlawt a ni” tiin Trump chuan Faith & Freedom Coalition pungkhawmte hnenah a sawi a.
He mi hma hian Trump chuan a social media network ah Lousiana dan thar siam chu a thlawp thu sawiin, “Ten Commandment public school, private school leh hmun hrang hrangah tarchhuah hi ka duh a ni. Chhiar la – Eng tiangin nge ram angin kan kalsual?” tiin a ziak a ni.
President hlui leh Republican presidential nominee ni mai tur chuan religious right lama amah thlawp tute tihphur a tum hle a, evangelical ho chuan kum 2016 a a din dawn khan Trump hi an thlawp mai lo va, a hnuah erawh an thlawp tha em em thung.
Trump hi criminal case pali a awrhah pakhatah thiamloh chantir a ni chungin amah thlawptute chuan an la thlawp bur thung a. Trump chu kum 2016 inthlan dawn khan porrn actor Stormy Daniels hnenah an lo inkawp ytawhna a sawi chhuah loh nana a ka hup nana sum pe ah thiam loh chantir a ni.
Trump hian ram pum huapa nau tihthlak khapna chungchangah a ngaihdan kimchang a sawi duh chiah lo va, chu chuan evangelical movement member tam tak te chu a tiphurlo thung tia sawi niin chung mi te chu November thlaa Democratic President Joe Biden nena an inkhin huna pawimawh ber ber tur te an ni bawk si a ni.
Evangelical movement member tam tak te chuan nautihthlak lamah khauh zawka chet la turin an duh a, chutihrual chuan kum 2022 a national abortion rights nuaibo a nih theih nana US Supreme Court justice ruattu a nihnaah an fak em em bawk.
Trump chuan, “Thil ropui tak kan hlen a ni” tia sawiin mahse abortion issue chu state tin tena thutlukna an siam tura dah tur nia a ngaih thu a sawi thung a. “Voter tin ten in thinlung takin leh dik nia in hriat kalpuiin leh tu nge kan thlan dawn tih ngaihtuah chungin vote thlak rawh u” tiin a sawi bawk.
Roe v. Wade reversal a nihna kawngah Trump chu sulsutu ber pakhata ngaih a nih rualin abortion chungchang chu Republicans te tan chuan politics thil taka tricky tak a la ni tho bawk a. Thla tam tak chhung chu US ram pum huapa nautihthlak khap chungchang zawhna Trump an a chhang duh lo a ni.
Nikum khan Trump chuan Faith & Freedom Coaltion a thusawina a neihah sorkar chuan nau la piang lo te humhimna kawngah tihtur pawimawh a nei tiin a sawi a, mahse chu bak chu a sawi zui thui lo thung a ni.
Kumin April thla khan Trump chuan nautihthlak chungchang chu state te thutlukna siam tura dah ni se a ti thung a. A hnua interview a neihah Trump chuan Congress in ram pum huapa nautihthlak khapna pass se hming ka ziah hnan lo vang a ti a. Hmeichhia tena abortion pill mifepristone an neih theih leh theihloh chungchangah a dinna a la sawi chiang duh lo bawk.
Nikum khan The Associated Press-NORC Center for Public Affairs Research te chuan poll an lakah Americans hmun thuma hmun hnih ten nautihthlak chu dan anga remtih ni se an duh an ti thung. Chutihlaiin Evangelical te chaun ram pum huapa nau tihtlak khap an duh thung a ni.
AP VoteCast tena voters te laka survey an neihah kum 2020 khan white evangelical Kristian voter 10 zela 8 in Trump an vote a, Trump voter pum 10 a 4 zel chu white evangelical an ni bawk a. White evangelical Kristian te hi electorate pumpuiah 20% vel lai an hauh a ni.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More