Ltka Msv
-- Advertisement --
Issue base MP neih hi tunhnai lawka kan hriat thar a ni. Tun hma khan he thu hi kan hre ngai lo khawp. A sawi chhuaktu chu kan CM kal ta kha a ni awm e.
Sap tawnga sawi hian a thu hi a mawi deuh a, Mizo tawnga sawi dawn chuan, “A thu a zir …” tihna a ni mai awm e. Tuna kan hriat larna chhan hi chu, Parliament rorelna a MP kan neih te dinhmun sawina a ni. Issue base a nih chuan, India ram rorelna hmunah kan MP chu tan lam nei lo a ni, tihna a ni. Chumi awmzia chu, kan MP neitu political party chuan politics-ah Policy mumal a nei lo tihna a ni bawk
Tunah hian Political party, Congrees, MNF, ZPM, BJP leh PC te kan nei a. MP thlan a lo hun a, candidate neih a lo tul ta a. Congress leh BJP leh PC party chuan Zoram mai ni lo, India ram pum huap pawhin ram hruai dan leh hmathlir, (policy) mumal tak an nei a, chutih laiin MNF leh ZPM chuan nei lo in, Issue base chu an policy a ni.
Issue base Policy hi thatna aimahin, buaina thlen theihnaa a tam zawkin a lang. A chhan chu, Laiking leh Bak policy ang a nih vang a ni. A lo lan chhuahna chhan pawh, MNF ten, Central lam leh Zoramah thu inang lo an hmatheh a; khu lamah BJP lamtang kan ni an ti a, he lamah BJP an tan ngam leh si lo. Chungleng leh hnuaileng indo laia Bak ang mai an ni.
Tuna an Lok Sabha MP-in 2019 Inthlanpui lai a sawi anga a awmlo khan Issue base chu CAA Bill-ah tifiah ta in, vote a zawn laia a campaign hla chu a phatsan a, issue base (duhlam lam vote thei) a nih miau avangin Mizote vote chhan lo zawngin India ram rorelna in sang berah a vote ta hlauh zawk a, chu chu 2023 inthlanpuiah mipuiten an hria a, a awmna party pawhin a tuar ta hlauh zawk a ni lo’m ni? Delhi mai ni lo, khawvel hriatah BJP te nen an lungrual a, an vote hmuhna ber Mizoramah, BJP an phatsan leh thung si a ni lo’m ni ? Chuti ni lo se, Mizoram BJP candidate Vanlalhmuaka hi an thlawp mai tur a ni ang chu?
ZPM pawh an bang chuang lo. An lum leh lum sela, an vawh leh vawt sela a va tha em.
Tun inthlanpui lo awm tur hian keini Zoram chauh hi a nghawng dawn lo. Kan vote khat të khan India ram pumpui a nghawng dawn. Chutiang ang bawkin, Maharstra leh West Bengal-a vote hnihkhat lek pawh khan keini hi min nghawng vek dawn a, MLA thlan anga kan State bil enkawl tur a ni lo. Chuvangin, India ram pum en in, BJP leh a thawhpui NDA policy nge tha Congress leh a thawhpui, I.N.D.I.A. tih hi chinchang hria chuan buka duhthlan mai tur a ni.
Zofate hian kan hriatreng, India ram kal zel dan turah hian, tuilairap loin, fel takin kan duh leh duh loh i tichiang teh ang u.