I&WR thawktuten khawmpui hmang

Irrigation & Water Resources Department Staff Welfare Association of Mizoram (ISWAM) chuan Zirtawpni khan Aizawlah general body meeting vawi 8-na an hmang
Hmanpuitu I&WR minister PC Vanlalruata chuan mipui tan rawng an bawlna kawngah mawhphurhna hlenchhuak turin rinawm leh inpe zel turin a fuih a. Staff Welfare Association chu sawrkar department hnuaia dinhmun hrang hrang luahtute insuihfinna pawl a ni, tiin, thiamna leh theihna inang lo tak tak awm hona pawl a nih angin, in mamawh tawn theuh an ni tih a sawi a ni.
Thawhhona kawngah hunbi vawn dik, rinawm taka mahni koa mawhphurna awm hlenchhuah thin a pawimawh tih PC Vanlalruata hian a sawi a. Mi tam tak thawhrimna chu mi tlemte inthlahdahna avangin a hlawhchham phah thei tih a sawi a. Tanrualna leh thawhhona tha siam tur hian Staff Welfare Association hmalakna hi a pawimawh tih a sawi. Hnathawhna hmunah tunlai thiamna hmang tangkai thiam mi nih tum turin ISWAM member-te a fuih a ni.
General body meeting-ah hian member zinga kaisang lawmpui bakah member thar lawmluh an ni a, kum 2022- 2024 chhunga member 6 boral te sun a ni bawk. Tunah hian IWRD hnuaiah Chief Engineer office, Lunglei Division, Kolasib Division, Champhai Division leh Aizawl Division a awm a, thawktu 120 an awm a ni.