Jaishankar-a’n USSG hmu, UNSC inthlan campaign tan

term atan UN Security Council (UNSC)-a non-permanent seat a neih nana campaign a kalpui mek laiin Indian External Affairs Minister S. Jaishankar chuan New York-ah UN Secretary-General Antonio Guterres a hmu a. Asia khawthlang, Ukraine leh Sudan-a buaina chhuakte pawh an sawi dun.
Hruaitu pahnihte hi UN Headquarters-a India-in UNSC campaign a tan ruala neih a ni a. New Delhi hian nakkum inthlan hmaa UN member ramte thlawpna hmuh tumin hma a la tan a ni.
X-ah Jaishankar-a chuan, “Vawiin khan New York-ah @UN Secretary General @antonioguterres nen kan hmu thei hi ka lawm hle a. Khawvel hmasawnna chungchang sawi a ni a, Asia khawthlang, Ukraine leh Sudan te pawh a sawi tel a. India leh UN thawhhona chakzia pawh a pawm bawk,” tih a tar lang.
Inkawmnaah hian khawvela harsatna awm leh khawvel thil hrang hranga India leh UN thawhhona chhunzawm zel chungchangte an sawi dun a ni.
Hemi hma hian Jaishankar-a chuan Securing Holistic Advancement through Norms, Trust & Integrity (SHANTI ) lam hawia point ruk awmna vision hmangin Security Council-a India tel a tumna chu tihdan pangngai angin a tlangzarh a ni.
Khawvel hmun hrang hrang atanga palaite a kawmnaah India chu UNSC-ah khawvel chhim lama mite aiawhin a thawk dawn tih a sawi a, ram thang mekte thlawpna, UN remna siam hna thawhna kawnga thawhhlawk tak leh kawng hrang hranga thil tihchakna tura hnathawhna hma a lo lak tawhnate a tar lang bawk.
India-in SHANTI framework-ah hian UNSC campaign-na atana thil pawimawh ber paruk tar lan a ni a. Heng zingah chuan khawvela muanna leh himna a awm theih nana khawvel chhim lam ramte aw tihchak te, mipui rorelna chawi lar te, tunlai thiamna hmanga thuam hma lam hun atana inpeih muanna vawngtu tur lungphum siam te, artificial intelligence-a mihring kaihhnawih thil tihhmasawn te, khawvel dan anga zalen, inhawng leh dan behchhana tuipuia veivahana tihchak te leh khawvel pum huapa firfiaka chetna dona kawnga hmalakna tihchak leh firfiakte puihna thin titawp tura hmalakna te a tel.
Jaishankar-a chuan India hmalakna chu inbiakna, thawhhona leh inrem lohna titawp tura hmalaknain a kaihruai dawn tih a sawi a, chutih rualin tunlai khawvel thil thlengte pho lang thei siam thatna tur a sawi bawk a. India-in Women, Peace & Security agenda champion-pui tura a inpekna leh remna siam mission-ten an thil tum bulpui berte an ngaih pawimawh reng theihna tura hmalak a tum thu a sawi nawn leh bawk.
Nakkumah UN General Assembly-ah India hian Asia-Pacific non-permanent seat Security Council-ah 2028-2029 term atan a chuh dawn a. Thlan a nih chuan member 15 awmna council-a member thlan tlin a nih term kuana a ni ang.
New Delhi hian hun rei tak atanga UNSC siam that tawha seat nghet neih a phut zel a, chutih rualin a aw chuan khawvel remna leh muanna chungchanga sawihona a siam chhunzawm zel theih nan non-permanent seat-a tel a tum bawk.