Thinghlun khua-in an thlai chin tichhe thinah Assam lam puh

Mamit district Thinghlun khua chuan Assam lam thuneituten an thlai chin an tihchhiat sak thin niin an sawi.
Thinghlun khuaah hian Thawhtanni khan DFO Kawrthah Karthikeyan V hoin Kawrthah Forest Division chuan a vawi 6-na atan “Kan ramngaw kan nunna” tih leh “Kan ramngaw hi kan nun khawchhuahna a ni” tih thupuia hmangin forest dan leh hrai inhrilhfiahna hun an hmang a. DFO hian, forest (reserve forest) chhunga cheng khaw mipuiin dikna chanvo leh mawhphurhna mipui a hrilhfiah a. Tut-Langkaih Protected Council Reserved Forest, Riverine Reserve Forest leh Assam-Mizoram boundary chungchang a sawifiah bawk.
Thinghlun chu Assam leh Mizoram inrina bula khaw awm a nih avangin ramria buaina tichhuak thei zawnga khawsa lo turin khaw mipui a chah a. Reserve forest chhunga balu leh minor forest produce hrang hrang mipuiin an mamawhnaah an hmang thei a, sumdawnna atan erawh hman phal a ni lo tih a sawi. ‘Forest produce’ venhim leh enkawl kawngah department thlawp tlatin, thawhhona tha tak neih zel a duh tih a sawi a ni.
Mipui lam atangin ramri buai avanga an thlai chin Assam lamin an tihchhiat sak thin thu, teak permit chungchanga buaina an tawh dan an sawi a. Inhrilhfiah ngai hrilhfiah a ni.