Jennifer Coolidge-i’n 2023 MTV Movie & TV Awards-ah Comedic Genius award dawng dawn
Actress Jennifer Coolidge chu 2023 MTV Movie & TV Awards-ah Comedic Genius Award dawng tura thlan a nih thu an puang. He award, May ni 7 a sem tur hi Drew Barrymore-i’n a host dawn a ni.
Coolidge hi he award dawng thei parukna a ni dawn ta a, a hmain Will Ferrell (2013), Kevin Hart (2015), Melissa McCarthy (2016), Sacha Baron Cohen (2021) leh Jack Black (2022) ten an lo dawng tawh a, lemchan khawvela comedy lama chetha te puala chawimawina a ni.
Kumin hian Coolidge hian category pahnihah nomination a nei a, Jennifer Lopez nena an chan dunna, rom-com ‘Shotgun Wedding’ avangin best comedic performance-ah nominate a nih bakah HBS The White Lotus-a Tanya McQuoid lema a channa avangin most frightened performance-ah nominate a ni bawk.
Coolidge, kum 61, hi 1999-a ‘American Pie’ film-a Stifler-a nu lema a chan atang khan Hollywood-ah a hming a chher tan a, Legally Blonde franchise-ah Reese Witherspoon nena an chan dunna te, Best In Show (2000), A Mighty Wind (2003) leh For Your Consideration (2006) te pawh a lar pui viau a ni. Tun hnaiah Netflix series The Watcher-ah inlanin, A Cinderella Story-ah pawh Hilary Duff nen an chang dun a, Carey Mulligan nen Promising Young Woman hlawhtling takin an chang dun tawh bawk.
Jennifer Coolidge-i’n 2023 MTV Movie & TV Awards-ah Comedic Genius award dawng dawn
Get real time updates directly on you device, subscribe now.
Prev Post
Next Post