India tana ritchawia gold medal hlawhchhuak tawh Jeremy Lalrinnunga hnenah Mizoram sawrkar chuan an chhungkaw chen mekna Ainawn Veng Aizawlah in hmun a pe a. Nilaini khan Sports & Youth Services minister Robert Romawia Royte chuan Jeremy Lalrinnunga aiawhin a nu leh pa hnenah LSC a hlan.
Minister chuan Jeremy Lalrinnunga hnena LSC hlan chu thutlukna awm tawh, bawhzui ngai a nih angin, Sports department leh Revenue department bakah sawrkar hotute hmalakna in hlan theih a ni ta chu lawmawm a tih thu a sawi. “Dan pangngaiah sawrkar tan mimal hnena ram pek hi thil harsa tak ni mah se, Council of Ministers hial thukhawm a, lungrual taka Jeremy Lalrinnunga hi inhmun pek a ni,” a ti. Ainawn veng Local Council-in Jeremy tana tan an lakna chu a fakawmin finthlak a tih thu a sawi a; an veng pa an hmangaihna leh an chawimawi thiam dan chu a ropui takzet, tiin, Ainawn Veng awmna bialtu MLA Zothantluanga leh AMC councillor-te tanlakna chhuanawm a tih thu a sawi bawk.
Jeremy hnenah in hmun pe
Get real time updates directly on you device, subscribe now.
Prev Post