JICA-in an hmalakna CM hrilh

JICA (Japan International Cooperation Agency) India office-a chief representative Saito Mitsunori leh a thawhpuite chuan Zirtawpni khan chief minister Zoramthanga chu a chenna inah an hmu a. Mizorama JICA hmalakna an sawi ho.

Kum 2017 khan JICA hian Mizorama agriculture kalphung zirchiang a tihhmasawn dan kalphung siam turin state sawrkar nen thawhhona thuthlung ziakin, hma an la a. Chief representative hian an hmalakna hi kuminah hmawr bawk a nih tur thu sawiin, hmalakna an neih tawh leh hmabak la awm te chief minister hi a sawipui. Hlawk zawka buh chin dan kalphung an duan chu thawhhona a tawp hnu ah tangkai taka hman chauh tura duan a nih thu leh huap zau zawka hman a nih a, thingtlangah leh Mizoram pumin an hlawkpui ngei a beisei thu te a sawi a ni.

Chief minister chuan JICA hmalakna lawmawm tiin, buhfaia intodelh a pawimawh hmasa tih a sawi a. Sector hrang hrangah thawhhona dang an neih zui zel a beisei thu a sawi. Leilung nghenga eizawnna hmanga hausakna tham theihna Mizoramin a neih thu sawiin, “Chu hlawkna chu haichhuah dan kawng dik kan zawnchhuah thiam a pawimawh a ni,” a ti.

JICA hmalakna atan hian Irrigation & Water Resources chu nodal department a ni.