Central Reserve Police Force (CRPF) sipai chu state police te nena Manipur a Jiribam district a joint patrol an neih laia lambunnaah kahhlum a ni a. Police commando pahnih pawhin hliam an tuar bawk.
Police-te chuan joint patrol a kal te chu Assam nena ramri bulah hel pawl ten an kap vak tiin an sawi a. CRPF sipai patrol SUV bul hnaia a awm laiin hel pawl te chuan an kaphlum a ni tiin an sawi.
SUV hi silaimu tam takin dengin a hma darthlalang te pawh a keh vek a, a chhungah chuan police commando pahnih te pawhin hliam an tuar a ni.
“Kan kap let nghal a. Hel pawl te chuan ramngaw behchhanin an tlanchhe nghal a, combing operation neih zui nghal a ni” tiin senior police officer chuan a sawi.
Inlambun a thlen hma hian Jiribam-ah boruak sang tak awmsa tawhin Meitei community leh Hmar hnam te chu an inep reng tawh a ni.
May 2023 a Meitei-Kuki inbeihna thlen hnuah Jiribam district hian kum khat vel chu tharumthawhna a tawng ve lo va. Mahse, thla kalta atang khan Jiribam ah inbeihna thleng tanin chuvang chuan Assam-ah mi sang chuang tlanchhia in relief camp-ah an awm mek a ni.
Jiribam inlambunnaah CRPF sipai thi
Get real time updates directly on you device, subscribe now.
Prev Post