Job Fair-ah hna hmu nghal 50 vel
Labour, Employment, Skill Development & Entrepreneurship (LESDE) Department buatsaih Mizoram Mega Job Fair 2023 Aizawla neih chu Nilaini khan khar a ni a, a hmuna hna tur tifel nghal mi 50 vel an awm.
Mega Job Fair-ah hian rampawn leh ramchhhunga company hrang hrang – financial institutions, banking, healthcare, service, Automobile, IT, FMCE, Tourism and Hospitality, Beauty & Wellness etc, sawm khawmin mizo thalai hna zawnglaite tan hnathawh tur 1800 chuang an rawn chhawpchhuak a, Fair tlawhtu in-register mi 2100 chuang an awm a, a hmuna hna hmu nghal (on the job placement) mi 50 vel awmin, hna hmu thei maia chiang tawh an ni. Employer-te hnena in register, interview leh document ensak hmabak engemawzat an awm bawk.
LESDE department hi Mizoram Sawrkar hnuaia thalaite tha tih hmasawn lama hma latu a ni a. Thalaite eizawnna tlak thiamna pek (skill training), skill competition, innovation leh entrepreneurship fair leh competition an buatsaih thin a, Mega Job Fair pawh hi thalai eizawnna zawng mekte tana buatsaih a ni.
Job Fair-ah hna hmu nghal 50 vel
Get real time updates directly on you device, subscribe now.
Prev Post
Next Post