Journalist ten EC-ah ngenna siam

Journalist rual te chuan Chief Election Commissioner hnenah Lok Sabha inthlan phase tin zawh veleh press conference nei tawh tur leh poll data kimchang phase tina vote tlak dan kimchang ‘absolute number’ leh vote tla percentage te inthlan zawh tukah tichhuak ziah turin an ngen.
Ngenna in\awm siamah Press Club of India, Indian Women Press Corp, Press Association, Foreign Correspondent Club leh Dlehi Union of Journalists te chuan Election Commission(EC) in inthlan thawh thum neih tawhah pawh vote thlak zawhah \um khat pawh press conference a la nei lo chuan a tihthlabar thu an sawi a.
“Kum 2019 Lok Sabha inthlan hnuhnung ber thleng khan inthlan phase tin zawha press conference neih chu tih dan phunga ngaih a ni. India hi khawvela democracy ram lian ber pawl a nih angin Lok Sabha inthlan chu ‘festival of democracy lian ber’ anga ngaih a ni a, khua leh tui te chuan constituional body, Election Commission of India hnen a\angin vote thlak nia thil thleng hre turin dikna an nei a ni,” tiin ngenna lehkhathawn chuan a tarlang.
Press conference neihnaah journalists te chuan an hriatfiah loh leh chian loh te zawtin chu chu chhiartutena thil dik tak an hriat theih nan an thuziahah a pui \hin a, khua leh tuite chu inforamtion dik tak pe in inthlan kal meka thil thlengte hrilhhriatin an awm \hin a ni an ti bawk a. “Election Commissioner chuan electronic media hmangin press conference lai pawhin voters te hnenah sawi a nei thei bawk,” tiin lehkhathawn chuan a tarlang bawk.
EC-in tun thlenga inthlan thawh thuma ‘vote poll absolute number’ a la tichhuak miah lo chuan mak an ti takzet ti bawkin tun hmain hetiang a awm ngai lo an ti bawk a. EC in a tichhuak mai lo chuan mipuite thinlungah inthlan a dikin a fel em tihah rinhlelhna a siam phah an ti bawk.
“Hei vang hian EC hian phase tinah press conferrnce nei se la. Chu mai bakah poll data kimchang, vote poll absolute number leh vote final percentage te pawh inthlan zawh tukah tih chhuah ni rawh se. Chutiang anga langtlang chu electoral system a inhlanna hnuaiah voters tena rinna an nghah theih nan a pawimawh a ni,” tiin tarlan a ni bawk.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More