July 10-ah Delhi Ordinance ngaihtuah ang

Chief Justice of India (CJI) D.Y. Chandrachud chuan July 6 khan Delhi sorkar hnenah Supreme Court chuan Aam Aadmi Party tena Central ordinance tun hnaia siama Lieutenant Governor chu national capital-a civil servants te thununtua dah leh tumna chungchang an khinna chu July 10-ah ngaihtuah a nih tur thu a hrilh.
Senior advocate A.M. Singhvi, Delhi sorkar aiawha ding chuan ngaituah rang tura ngenna a siam a ni. CJI chuan a hranga Delhi sorkar in Delhi Electricity Regulatory Commission (DERC) chairperson a ruat an khinna chu July 11 a ngaihtuah turin a ti bawk.
Singhvi chuan tuna khinna an siam chu a hma te nena inang lo a ti a. Arvind Kejriwal sorkar chuan National Capital Territory of Delhi (Amendment) Ordinance, 2023 chu Supreme Court in May 11-a national capital-a Delhi sorkar chu dan siamtu leh civil service te enkawl tura thuneitu a tih hnu lawk ni riat chhung lekin siam a ni tiin a sawi.
May 11 khan Constitution Bench Chief Justice Chandrachud kaihhruai chuan Centre hmanrua ber Lieutenant general (L-G) chu Delhi khawpuia thil pathum- public order, police leh land-ah chauh thuneihna a pe a ni.
“Ordinance thar hian Delhi-a civil servant hnathawkte chu Government of NCT of Delhi hnen atangin thlan tlin pawh ni lo Lieutenant Governor thuneihnaah dahin a awm a. Constitution amend sawi lovin leh elected sorkar te thuneihna petu a bikin Article 239AA amend miah si lovin hmalak a ni,” tiin Delhi sorkar aiawh advocate Shahdan Farasat pawh telna te chuan an thehlut a.
Sorkar chuan ordinance chuan Constitutional Bench thutlukna siam chu a luahlan nghal a ti a, court thutlukna siama elected government hnena services chungchanga thuneihna a pek ngawt chu dan mitah a dik lo tiin a sawi bawk.
Petition chuan ordinance chuan Delhi chief minister chairperson nihna hnuaiah “permanent” National Capital Civil Service Authority (NCCSA) din tur a ti a, member dang te chu Chief Secretary leh Principal Home Secretary chu Member leh Member Secretary-ah a dah bawk a.
“NCCSA hi mipui thlan Chief Minister of Delhi chu minority a nih theih nana ruahman a ni a. Bureaucrats pahnih te hian meeting neihnaah emaw rawtna siamah emaw an tam hneh thei a. He ordinance hian fing takin elected Assembly leh sorkar Chief Minister kaltlangin engmah tithei si lova inhnamhnawiha siamtir a tum a ni,” tiin petition chuan a tarlang.
NCCSA hmang hian civil service te Delhi sorkar hnuaia department tin public order, police leh land kaihhnawih ni lo te chu thunun vek tur an ni a. NCCSA chuan transfer, posting, prosecution, sanctions, disciplinary proceeding, vigilance issues ect Delhi sorkar departmnet hnuaia deputation a dah tin te chu vote hmangin member present ten thutlukna an siam tur a ni a. A nihna takah chuan Lieutenant Governor thultukna chu engkimah thutawpa siam tumna a ni tiin an sawi.