Hindu puithiam ten bawng talh khap duh

eers leh Kalaburagi a mutts hotu lawk hrang hrang te, Veerabhadra Shivacharya Swamy of Shantalingeshwar Mutt, Kadaganchi, Kedar Swamy of Siddalingeshwar Mutt, Mashal leh Apparao Devi Mutya of Mahalakshmi Shakti Peetha, Srinivas Saradagi te pawh telna chuan Karnataka sorkar chu bawng talh khapna an hlih chu a ngai anga dah leh turin an ngen a. Bawng talh khapna hi sorkar hmasa BJP sorkar laia kalpui a ni.
Sorkarin an ngennate a tihlawhtling lo a nih chuan Bengaluru-a Vidhana Soudha-ah lungawilohna an lantir dawn thu an sawi nghal bawk a.
“Bawng hian Hindu sakhua leh culture-ah pawimawhna bik a nei a ni. Mi maktaduai telin an biak a ni a. He ran hian farming community-ah hlutna sang tak a nei bawk a. Hei vang hian talh remtihna hi pawm theih loh a ni. Congress sorkar chuan bawng talh remtiin anti-cow legislation a hnuk let a. He dan a hnuk let hian Congress sorkar chuan state chhungah tihluihnaa sakhua danga inleh a remti tihna a ni bawk a. Sorkar thutlukna hi kan dem em em a, hnuk let leh turin kan phut a ni. Chutiang a nih loh chuan Vidhana Soudha-ah lungawilohna kan lantir ang,” tiin Kedar Swamy of Siddalingeshwar Mutt chuan a sawi.
Seer emaw dais ten goshals enkawl pakhat tal an nei em tia zawhna erawh economic lama harsatna avangin chutiang chu an tithei lo an ti thung a.
“Mutts tin te he holy animal humhima ran talhna hmun an luh loh nana goshalas hawng turin ka ngen a ni,” tiin a sawi bawk.
Apparao Devi Mutya chuan tihluihna emaw tawktarh hmang lova sakhua danga inlehah buaina an neih loh thu a sawi thung a. “India zalena cheng kan ni a, tu pawhin a duh sakhua a be thei a ni. Mahse, Hindu sakhua betute chu sakhaw danga lut tura thlemin an awm thin a, hei hi kan duh lo a ni,” iin a sawi bawk.
Veerabhadra Shivacharya Swamy chuan bawng chu holy animal tia sawiin ran talhnaa an luh theihna tura ruahmanna siam lo turin sorkar a ngen bawk.