July Mizo Hit Chart-ah Rebecca x Youngfella & Jonathan Lianhna an No.1
YouTube-a an music video-in thla thum chhunga entu a ngah dan atanga teha chart ranking an siam Mizo Hit Chart chu July, 2023 atan an puang leh ta a, lengzem lamah Rebecca x Youngfella ‘Hriat ka duh’ a No.1 a, gospel lamah Jonathan Lianhna ‘Aw Isu’ a No.1 ve thung. July thla chart ranking hi May ni 1 leh July ni 31 inkara YouTube-a music video entu ngah dan atanga teha siam a ni.
Lengzem-ah Youngfella’n hla pali a nei a, Zaii Hauchhum nena an zai dunna No.2 niin, chart No.1 leh No.2-ah a lang ve ve a, S. Dawg leh Mic Khan te nena an zai hona leh Smiley nena an zaidunna te pawh top 10-ah an lang.
Gospel chart top 10-ah pawh Jonathan Lianhna chu No.1 leh No.2-ah langin, hranghlui chan chang ve tan tawh, rawn comeback leh ta Nancy Zothanmawii’n top 10-ah hla pathum a rawn nei thawt mai a, heng a hla thar pahnih chui June thlaa a tihchhuah ve ve an ni.
Rebecca x Youngfella ‘Hriat ka duh’ tih music video hi May ni 20-ah YouTube-ah upload niin, July ni 31 thleng khan vawi 59,41,087 en a hlawh hman a, hei hi Lengzem chart-ah a No.1 pui ta a ni. Gospel chart No.1 Jonathan Lianhna ‘Aw Isu’ hi May ni 17-ah YouTube-ah upload a ni a, July ni 31 thlengin vawi 2,91,805 en a hlawh hman a ni.
Mizo Hit Chart July
Gospel:
1. Jonathan Lianhna – Aw Isu (2,91,805)
2. Jonathan Lianhna – Nun |obul (2,32,090)
3. Mizoram Synod Choir – Zaia Faktu (1,64,872)
4. Maruati – Amen ka pe zel ang (1,62,478)
5. Nancy Zothanmawii – Hmana kan nunhlui (1,61,192)
6. Nancy Zothanmawii – Kan fak a che (1,24,222)
7. Thawhlehnaniropuia – Nihna (1,21,433)
8. One in Christ – I tel lo chuan Lalpa (1,20,855)
9. Nancy Zothanmawii – Vahvaihna ram (1,03,713)
10. Lalthansangi – Zion Lal Thu (1,03,351)
Lengzem:
1. Rebecca x Youngfella – Hriat ka duh (59,41,087)
2. Youngfella x Zaii Hauchhum – Van Senior (36,98,713)
3. Fakriel Hrahsel – Super Heroes (32,06,250)
4. JNY, Richie Fanai, Eddie boy, Lesky hype, Guru Gee, Lil KiKi – I Hma a ding (18,26,527)
5. Yongfella, S. Dawg, Mic Khan – Wow Wow (17,04,230)
6. Youngfella x Smiley – Thiamthu (14,88,654)
7. Saiwana Sailo x Mary Dawngi – Ka Pa Khuma (9,33,930)
8. Rebecca Lallawmsangi – Thisen (5,95,887)
9. Zaii Hauchhum – Bawihtuai (5,53,105)
10. Angela Malsawmpari – Hmangaihna par (5,51,351)