Jung Kook ‘Seven’ featuring Latto chu Billboard Global 200 chart-ah a No.1 a, he chart-a kar ruk a No.1-na a ni ta. He hla hi a tlangzarh kar khatnaah chart No.1-ah a debut nghal kha a ni a, BTS member zinga he chart-a solo artist anga No.1 ni thei hmasa ber a ni. Hetihrual hian Doja Cat ‘Paint the Town Red’ pawh top 3-ah a rawn invawrh kai ta bawk.
Billboard Global 200 chart hi kar khat chhunga khawvel huapa hla lar dan tehna a ni a, chart ranking siam nan hian ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
Jung Kook ‘Seven’ featuring Latto hian a kar ruknaah pawh stream maktaduai 94.1 leh sales 2,000 a la tling thei a, hei hi a kar ruk nan chart-ah No.1 pui leh ta a, kumin hla tlangzarh chart No.1-a debut thei zingah kar ruk chin No.1 thei pahnihna a ni a, a dang chu January thlaa tlangzarh Miley Cyrus ‘Flowers’ kha niin, he hla pawh hi chart No.1-ah debut-in, kar ruk chhung a No.1 zui a ni.
Oliver Anthony Music lar chhuahna hla ‘Rich Men North of Richmond’ chu stream maktaduai 28.5 leh sales 1,27,000 tlingin No.2-ah bawk a la awm. He hla hi Billboard Hot 100-ah chuan a kar hnih nan a No.1 ve thung.
Doja Cat ‘Paint the Town Red’ chu stream maktaduai 49.6 leh sales 6,000 tlingin No.17 atangin No.3-ah a invawrh a, he chart-a a hla top 10 kai thei palina a ni.
Taylor Swift ‘Cruel Summer’ chu No.3 atangin No.4-ah a tawlh a, Dua Lipa ‘Dance the Night’ chu No.5-ah bawk a la awm.
-- Advertisement --
Billboard Global 200 Top 10:
1 Seven – Jung Kook Featuring Latto
2 Rich Men North Of Richmond – Oliver Anthony Music
3 Paint The Town Red – Doja Cat
4 Cruel Summer – Taylor Swift
5 Dance The Night – Dua Lipa
6 What Was I Made For? – Billie Eilish
7 LaLa – Myke Towers
8 Fukumean – Gunna
9 Vampire – Olivia Rodrigo
10 Barbie World – Nicki Minaj & Ice Spice With Aqua