JungKook live broadcast laiin a inpuang
JungKook live broadcast laiin a inpuang
BTS star JungKook chu live broadcast laia a inpuanna avangin social media lamah a thli a tleh thar leh a ni ber mai. Nimin tuk khan clip “JungKook-a zurui live broadcast fan-te pawhin titawp tura an ngen hial chu” tih chu online platform hrang hrangah a darh a, chu video-ah chuan JungKook hian fans zawhna a chhang a, a mangement lam remtihna pawh la hmasa lovin zawhna a chhang miah miah mai a ni.
Social media lama a clothing brand thar campaign a lar hnu lawkah he clip hi a rawn darh ve leh ta a. A clip-ah chuan JungKook hian backstage lama a meizu lai thlalak sawi zui hlawh tak chungchang pawh sawi chhuakin, mei z uk thin thu a inpuang a, “Meizuk chungchang sawi ka duh a. Kum 30 mi ka ni ve tawh. Mei ka zu nasa. Sim tumin ka bei nasa tawh. He thil ka sawichhuah avang hian company lam chu an thinrim ngei ang. Company lam nena kan sawiho thin lam a ni lo, ka hne lutuk avanga sawi chhuak zawk ka ni,” a ti.
JungKook chuana chetdanah a mawh chu aman a phur tih sawiin, “Zai hi nuam ka ti a, chutihrualin kei hi mi langtlang tak nih duh mi ka ni. Eng emaw ka tisual a nih chuan zêp kher ka tum lo,” a ti bawk.
JungKook chuan K-Pop superstar a nih anga a career a pressure awm chungchang pawh sawi chhuakin, “Music hi ka ngaithla ngai meuh lo. Ka hnufual bik lutuk ang tih ka hlauh vang chauhin ka ngaithla ve zeuh zeuh a ni,” a ti.
K-Pop star-te hi company lamin an kâ hup sakin, an duh duh sawi chhuak thei lo turin an record label lamin an khuahkhirh thin ni a sawi awm chungchang pawh sawi chhuakin, JungKook hian HYBE a tihchhan ni ngei a ngaih theih turin a fan-te laka a nih ang anga lang thei lo tura an khuahkhirhna a sawi chhuak a, “Mihring ve tho ka ni. Ka duh anga hlim taka hun hman ve te pawh ka duh. He khawvelah hian mi eng zet nge an nih ang ang a lang thei ang? ARMY (BTS fans) te lakah lang tlang taka awm ka duh,” a ti bawk.
Ngaihzawng chungchangah JungKook chuan, “Company lamin min khap lo se chu engkim ka hrilh vek tur che u a nia,” a ti bawk.
A live broadcast lai hian online a inpuang nasa lutuk lo tura thildang sawipui lo tumtu aw pawh hriattur a awm a, JungKook chuan, “Company lamin min hrawk nasa dawn riauin i hre deuh em ni?” tiin a chhang a. A lo thlirtu lam atangin a livestream titawp mai tura fuihtu pawh an awm a, chu pawh chu, “Engetinge titawp tura min tih? Min thunun vel tum suh u,” a ti bawk.