Junior National Basketball Championship: Team hmuhnawm Mizoram zin kawng a tawp

75th Junior National Basketball Championship, Guru Nannak Indoor Stadium Ludhiana (Punjab)-a September ni 2 atanga ni 9 thlenga neih turah Mizoramin chuan intihsiakna kalphung thuang hnih awm karah level 2 final hial thlengin a vanduai zawkah an tang ta hlauh.
He Mizoram Junior kaihruaitu coach KC Lalliantluanga leh manager Richard Lalropuiate hian Mizoram pawnah chanchin ngaihthlak nuam leh chhinchhiah zui tlak an player-te nen hian an hnutchhiah – tunhnaia Mizoram Junior thlen san ber tum a ni.
Level 1 team 10 zingah tel pha ta chiah lo mah se India ram pumpuia junior team that dan tehna atangin 12 lai an thleng pha ta tho.
35th National Junior Basketball Championship 2004, Chitoor, Andra Pradesh-ah khan thil chhinchhiahtlak leh vawn zui reng tlak a thleng. He inelnaah hian Mizoram (Boys) team chu intihsiakna pumpuiah pariatna an ni – hei hi Mizoram team junior-a an thlen san ber tum a ni nghe nghe.
Tun tuma Mizoram team hian he dinhmun hi an han luah pha thuak a ni.
National Junior inelna atang hian BFI lamin player tha an lo thurchhuak tawh thin a, chu’ng zingah chuan H. Laldinsanga (Mapuia) pawh hi kum 2004-ah khian thlan a lo ni tawh a, China-ah India aiawhin a lo fehchhuak tawh nghe nghe a ni.
Tun inelnaa Mizoram
zinkawng tarlang ila:

Mizoram 67 – 65 Pudicherry
Gujarat 57 – 50 Mizoram
Mizoram 84 – 68 Goa
Odisha 63 – 80 Mizoram

Group-ah hian Gujarat an hneh loh hlauh avangin level 1 an lut pha ta lo va, level 2 khel zuiin, tarlan tak angin final-ah Himachal Pradesh an hneh ta lo hlauh!
1. Mizoram 61 – 40 Jammu & Kashmir
2. Mizoram 51 – 69 Himachal Pradesh

Mizoram Team

1. Lalrinchhana Kulikawn
2. Christian Lalhmachhuana Sailo Kanan
3. Emmanuel Lalpekhlua Republic
4. C. Lalfakzuala ITI
5. Joel Lalbiakhlua Khatla South
6. Lalfakpuia Tuikual South
7. Samuel Vanlalpeka Kulikawn
8. Christopher Lalfakawma Champhai
9. Roney Vanlalawmpuia Bungkawn
10. Jacob C Vanlalruatdika Khatla South
11. RL Rinchhana Tuikual North
12. PC Lalawmawma Salem Veng

Coach: K.C Lalliantluanga, Armed Veng South
Manager/Asst Coach: Richard Lalropuia
|huampui

Hoops Mania Time Out
Mizoram team manager Pu Richard Lalropuia chuan a hnuaia tarlan dan hi inelna kalphung a nih thu The Aizawl Post Hoops Mania hnenah a sawi.

1. Group hi A, B, C, D, E leh F-ah then a ni.
2. Group A leh B hi level 1 an ni a, team 10 an awm sa.
3. Group C, D, E & F hi level 2 an ni. Mizoram team hi group C-ah an awm.
4. Group A & B-a a mawngphah team (bottom team) ve ve hi level 2-ah an relegate.
5. Mahse, Pre Quarter final level 2 atanga rawn chak tlangte nen an khel leh.
6. Group C, D,E & F pool champion-te hi C vs E, D vs F in level 1 qualifier an khel. A chak ve ve te level 1 relegated team pahnihte nen Pre Quarter final an khel (a chung point a tarlan tawh ang khian)
7. Group C, D, E & F-a pahnihna leh pathumna (Mizoram hi group C-ah pahnihna) position theuhte’n ‘Loser’s Knockout’ hi khel lehin, champion zawn a ni leh. Hetah hian Mizoram chu final-ah an vanduai ta a ni.