Kangmei chhuak vangin mi panga boral

Kangmei chhuak vangin
mi panga boral
Hague, Netherlands-a in pakhata kangmei chhuak avangin mi panga an boral a, midang paliin hliam na tak an tuar bawk.
He thil thlen hun hi an ram sanaa inrinni zing lam dar 6:15 vel kha niin, kangmei chhuakah hian thil puak a awm tel avangin building hi a chhe nasa hle a, kangthelhtute chuan chhiatna thlenna hmun hi an thlen nghal thu an sawi.
Khawpui chhung mayor, Jan van Zanen chuan mi engzatnge bo tih hriat theih a la nih loh thu a sawi a, Dutch police te chuan thil puak awm hnu lawk hian car pakhat chu chak taka tlanchhia a awm niin mita hmutu thenkhatin an sawi thu an tarlan bakah, finfiah tuma an beih mek thu an sawi a ni.
Mayor Van Zanen chuan building in a chim hnante chu an damchhuah theihna chance a tlem hle tawh niin a sawi a, mi panga te chu an thi chiang tawh tih confirm niin, hliam na tak tak tuar pali an awm mek thu a sawi a, finfiah theih loh engzat tak nge awm tih erawh hriat a la har thu a sawi.