Stray Kids chu Billboard Artist 100 chart-ah No.97 atangin No.1-ah an invawrh a, United States-ah a tum thum nan kar khat chhunga zaithiam lar ber a ni ve leh ta. Billboard Artist 100 chart hi kar khat chunga US-a zaithiam te lar dan tehna niin, chart ranking siam nan hian kar khat chhunga US-a an hla leh album hralh tam dan te, streaming leh radio airplay te chu tehna pawimawh a ni.
K-pop group Stray Kids hian an album ‘5-STAR’ hralh that zar an zo a, he album hi kar khat chungin US-ah 2,49,500 hralhin, Billboard 200 (albums) chart No.1-ah a debut thei a ni. K-pop tlangzarh dang ang bawkin 5-STAR hi a CD edition chu CD package (a vawiin 18, Barnes & Nobles, Target Walmart leh signed edition telin) a tlangzarh a ni a, bonus item chi hrang hrang a chhawm (poto card, mini poster, sticker set, photo book) hei bakah hian digital version chi hrang pali a awm bawk.
Stary Kids hi Billboard Artist 100 chart-ah an mikhual tawh bik lo va, K-pop act zingah he chart-a No.1 ni ngun ber dawttu niin, tum thum an No.1 tawh a, he chart-a K-pop group tum 21 No.1 thei BTS chiah an pha lo.
Jelly Roll chu No.15 atangin No.4-ah a invawrh a, he chart top 10-a a lan vawi khatna a ni a, ani pawh hian a LP Whitsitt Chapel hralh that zar a zo a, 90,000 hralhin Billboard 200-ah No.3 a kai a, an hla Hot 100 chart-a lang an nei bawk.
ENHYPEN pawh No.5-ah an rawn lang a, he chart-a an tawn san ber a la ni. AN group ED Dark Blood cu 88,000 hralhin Billboard 200 chart-ah No.4 a kai thei a ni.
Artist 100 Top 10
1 Stray Kids
2 Taylor Swift
3 Morgan Wallen
4 Jelly Roll
5 ENHYPEN
6 Luke Combs
7 Foo Fighters
8 SZA
9 Ed Sheeran
10 Drake
Kar khat chhung US-a lar ber Stray Kids
Get real time updates directly on you device, subscribe now.