Kar tawp football hnuhma
Kartawp khan Europe inkhel hmuhnawm tak tak a awm a, tun hunah hian kar tawp football a thil thleng langsar, hnuhma lian kan tarlang leh ang.
English Premier League
Inrinni zana Liverpool in 2-1 Crstal Palace an hneh tumin Mohamed Salah chuan goal khat a thun. Salah hian Liverpool tan inelna hrang hrangah goal 200 a thun tling chiah a. British player ni lo zingah Salah hi Liverpool tan goal 200 thun tling thei hmasa ber a ni. Salah hian English Premier League-ah goal 150 a thun tling chiah bawk.
Liverpool hi season kal meka inelna hrang hrangah vawi sarih an chak let (comeback) chiah a, La Liga hmahruaitu Girona nen an chak let zat a intluk chiah. Liverpool leh Girona chiah hi Europe top 5 league-ah vawi sarih comeback nei thei awmchhun an ni rih.
Inrinni zan khan Manchester United chu an khelmual Old Trafford-ah ngei AFC Bournemouth lakah an mualpho a, si thum fai ngawtin an mualpho. United hi Premier League-ah bik an mualah goal thum china an tlawm hnuhnung ber tum chu a ni a, October 29, 2013 khan Manchester City lakah si thum faiin an tlawm. City hi club lian an ni a, Pathianni zana an hneh loh AFC Bournemouth erawh chu table hnuai lama awm an ni ve thung.
Aston Villa chuan Manchester City an hneh hnuah hmahruaitu Arsenal an hneh zui leh a, Villa hi an mualah vawi 15 an chak zawn chiahin, English top flight ah an muala vawi 15 chak zawn thei awmchhun an ni.
Pathianni zanah 4-1 ngawta Newcastle United an hneh tumin Tottenham captain Son Heung-min chuan goal khat a thun. Kane hi EPL chanchinah season riat chhung a zawna goal 10 chin chunglam thun zawn vel the pasarihna a ni a. A chungah hian Wayne Rooney (11), Frank Lampard (10), Sergio Agüero (9), Harry Kane (9), Thierry Henry (8) leh Sadio Mane (8) te an awm.
Spanih La Liga
Season kal mekah beisei phak baka khel tha a, Real Madrid leh Barcelona chunga awm hial Girona chuan Pathianni zan khan 4-2 ngawtin Barcelo an hneh. Girona hi Mimualah vawi sarih ngawt an chak zawk a, kum 2021 hnu lamah La Liga team zingah Mimuala chak zawk rei ber an ni. Kum 2020-21 season hian Barcelona chu Mimualah a zawnin vawi kua an chak.
Real Madrid tan Jude Bellingham a khel tha chhunzawm zel a, La Liga-ah goal 12 a thun tling der tawh. Englishman zingah La Liga-a season khata goal thun hnem pahnih Dalian Atkinson record a nih rual a. A chungah hian Michael Owen awm in, goal khatin a la phak lo.
Atletico Madrid chu an mualah an chak leh ta a, an muala an chak zawn rei ber record thar siamin vawi 17 an chak zawn tawh a. La Liga club zingah an muala chak zawn rei pathumna an ni.
German Bundesliga
Eintracht Frankfurt chuan khingpui hautak Bayern Munich lakah minute 60 chhungin goal ruk ngawt an thun hman. 5-1 Bayern Munich an hneh kha kum 1975 hnu lamah Bayern Munich lakah an chak chian ber tum a ni a. 1975-ah hian 6-0 ngawtin Bayern Munich an hneh.
French Ligue
Pathianni zan khan si thum faia Lyon in Toulouse an hneh tumin Alexandre Lacazette chuan hattrick a siam a, Ligue 1-ah bik hattrick vawi ruk siam tawhin Ligue 1-ah bik amah aia hattrick siam tam awmchhun chu Kylian Mbappé leh Zlatan Ibrahimovic te chiah an ni.
Messi-Ronaldo ; Inelna hmachhawn tur nei lovin Lionel Messi a chawl hahdam chhunzawm zel. Messi a chawlh lai hian Cristiano Ronaldo chuan Al Nassr in 4-1 a Al Riyadh an hneh tumin goal a thun. Cristiano Ronaldo hian kum 2023 chhungin goal 50 zet a thun tling tawh a, Saudi Pro League-ah Portugal tan a vul hle. Saudi Pro-League lamah goal thun thei viau mah se hmahruaitu Al Hilal nen an inkarah point 7 a tla zep mek thung.