Kawlphetha hmanna ber chu in chhungkhur
Kawlphetha (electric power) hi thil hrang hrang atana hman a ni a, Mizorama mipuiin an hmanna ber chu in chhungkhur (domestic) a ni.
Economic Survey bu thar bera a lan danin, 2021-22 chhung khan Mizoramin kawlphetha a hmanna thil hrang hrangah in chhungkhura hman a tam ber a, MU (Million Unit) 280.239 hman a ni. A dawttu chu hnathawhna lam irrigation leh agriculture lam a ni a, heta tan hian MU 80.5454 hman a ni.
Non-domestic-ah MU 21.524 hman a ni a, bulk supply-ah MU 15.966 hman a ni. Industry lama hman a tam lo a, MU 9.585 hman a ni. Sumdawnna (commercial) lamah MU 47.889 hman a ni.
Mizoramah hian in chhungkhur atana hmangtu consumer 252896 an awm a, sumdawn nana hmangtu 12985 an awm.
Electric Power Survey of India-in an chhut danin, Mizoramin kawlphetha a mamawh zat hi MW 159 a ni a, MW 134 hmuh niin, MW 25-in a daih lo.
2021-22 chhung khan Mizoramin kawlphetha hi MU 45.06 a siakchhuak a, hmun dang atangin MU 730.32 a lei bawk.
Mizoramin kawlphetha a siakchhuah tam berna chu Serljui B Small Hydel Project a ni a, heta tang hian MU 10.66 siakchhuah a ni. Kau Tlabung Small Hydel Project atangin MU 6.76 siakchhuah a ni a, Teirei Small Hydel Project atangin MU 4.06 siakchhuah a ni. Tuirial HEP atangin MU 15.78 hmuh a ni bawk.
Kawlphetha hmanna ber chu in chhungkhur
Get real time updates directly on you device, subscribe now.